United kërkon dyshen Meddison-Grealish, “djajtë e kuq” pritet të hapin thesin në verë

Manchester Unined është i vendosur për të rikthyer skuadrën në nivelet më të larta.

“Djajtë e kuq” dëshirojnë të nënshkruajë me kapitenin e Aston Villas, Jack Grealish dhe yllin e Leicester Cityt, James Maddison.

Sipas mediumit britanik The Sun, trajneri i Unitedit, Ole Gunnar Solskjaer, po planifikon një shumë prej 160 milionë funtesh për të kapur Grealish dhe Maddison.

Trajneri norvegjez shpreson që fakti që dyshja janë miq të afërt mund të bëjnë një sulm të dyfishtë në favor të tyre.

Maddison, 23 vjeç, ka hapur bisedime me Leicesterin për një marrëveshje të re, por një ofertë prej 90 milionë funtesh nga Unitedi dhe pagë prej 200 mijë funtesh në javë do t’ia ndryshonte mendjen atij.

Në anën tjetër, ylli i Aston Villas, Grealish, ka qenë në klub për 18 vjet që kur u bashkua me ta në moshën gjashtë vjeç.

Por, ylli me vlerën 70 milionësh ka filluar të pranojë se do të duhet të braktisë klubin e tij të dashur për të rritur shpresat e tij në Angli dhe gjithashtu të luajë në klubet elitare të Ligës Premier dhe në Evropë.