“Shpresojmë që në korrik të rikthehen tifozët në stadium”

Presidenti i Federatës Turke të Futbollit, Nihat Ozdemir, ka shprehur hapur dëshirën dhe mundësinë për të parë tifozët në shkallët e stadiumeve të skuadrave të Superligës turke brenda korrikut.

Edhe pse futbolli në Turqi ashtu si në pjesën më të madhe të vendeve europiane është pezulluar dhe pritet të fillojë në 12 qershor, presidenti është tepër optimist për rikthimin e shpejtë të tifozëve në stadiume, gjë për të cilën në vendet e tjera europiane ku është ndalur futbolli kanë “frikë” akoma të flasin me data brenda kësaj vere.

“Edhe pse për momentin vendimi për të luajtur pa spektatorë është akoma në fuqi, shpresojmë që t’i rishikojmë tifozët në shkallët e stadiumeve duke filluar që në korrik”, deklaroi Ozdemir.