Sa tituj ka Juve? Bardhezinjtë kundër të gjithëve me atë që vendosi së fundmi në stadium

Titulli kampion i radhës i Juventusit në Serinë A kthehen edhe një here polemikat e vjetra mes klubit bardhezi dhe kundërshtarëve të tij.

Torinezët i kanë idetë e qarta dhe në lajmin për shpalljen kampion të tyre, kanë theksuar mirë numrin 38 si atë që klubi pretendon se është real.

“Atë që ka ndodhur në këtë sezon nuk do ta harrojmë kurrë. Nuk do ta harrojmë ndonjë herë. Kanë qenë ditë gëzimi që mbetet në fyt, lotësh dhe buzëqeshje, të motorëve (kurrë) të fikur dhe një dëshirë e madhe që të kthehemi të festojmë. Dhe të përqafohemi.

Dhe tani jemi këtu, në një ditë fundi korriku, duke festuar diçka të cilën jemi mësuar ta fitojmë, titullin tonë kampion, numrin 38. Jemi mësuar ta fitojmë, sigurisht, por jo kështu. Jo në fund të një sezoni të tillë”, shkruante klubi bardhezi për titullin kampion të radhës.

Pra për bardhezinjtë janë 38 tituj kampion, numër të cilin e kanë vendosur edhe në hyrje të stadiumit që sot me shumë krenari.

Problemi ësntë se për Federatën Italiane dhe për tifozët kundërshtarë, Juventusi ka vetëm 36 tituj kampionë, pasi iu hoqën dy të viteve 2005 dhe 2006 si pasojë e Calciopoli.

Ndaj që sot polemikat do të rifillojnë nga e para, deri në titullin e radhës.