Rrëfehet presidenti i Fiorentinës: Shpenzova 300 milion në 7 muaj, Juve mund të mundet

Presidenti i Fiorentinës, Rocco Commisso mbyll tregun e transferimeve të Fiorentinës, shkruan Albeu.com.

Ai njihet si një nga bosët e Serisë A por edhe pse ka blerë shumë yje në skuadër ekipi vjollcë nuk po kalon një formë aspak të mirë.

Në lidhje me blerjet e shumta ai tashmë i ka thënë stop transferimeve.

Ndërkohë ai foli dhe për transfertën ndaj Juves këtë fundjavë.

“Ne filluam duke marrë Cutrone, pastaj Duncan, Kouame, Igor dhe më në fund Amrabat. Në shtatë muaj kam shpenzuar 300 milion. Drejtuesit më kanë thënë se ka disa lojtarë që do të largohen në orët e fundit, por unë mendoj se nuk do të ketë më blerje. Unë po kërkoj lojtarë për të ardhmen, jo se ata janë vetëm këtu për gjashtë muaj. Jam shumë i lumtur me atë që kemi bërë, sepse në korrik ne do të jemi tashmë një ekip i kompletuar. Ne kemi bërë përparime të mëdha.

Commisso foli edhe për sfidën e afërt me Juventusin: “E di që Milenkovic, Caceres dhe Castrovilli nuk do të luajnë, por është një Juve që mund të mundet, dhe ne shpresojmë.

Stadiumi? Joe Barone dhe arkitektët janë jashtë qytetit, kështu që për momentin nuk di asgjë. Por ne kemi disa takime të planifikuara për ditët e ardhshme. /albeu.com/