Rinovimi i kontratës së Ramos, Zidane: Dua që gjithmonë të jet me ne

Ramos dhe Reali janë duke punuar për të rinovuar kontratën mirëpo pak ditë më parë në mëdia u përhap lajmi se bisedimet janë duke ecuar më hapa të ngadalta.

E gjitha kjo ndodhte pasi kapiteni e “Los Blancos” kërkon një kontratë më të gjatë se 1- vjeçare, e cila bie ndesh me politikën e klubit, që nuk u ofron një marrëveshje më të gjatë se 12 muaj futbollistëve që kanë kaluar moshën 32 vjeç.

Mirëpo trajneri i madrilenëve, Zinedine Zidane i pyetur së fundmi mbi këtë temë, beson se kapiteni do të vazhdojë të qëndrojë te madilen.

“Rinovimi i Ramos? E shoh me sy të mirë këtë proces. Personalisht, dua që Sergio të jetë gjithmonë me mua, me ne”, u shpreh Zizu.

“Ramos asnjëherë nuk ka qenë zëvendësues me Zidane? Është pyetje e mirë. Gjëja më e rëndësishme duhet pasur parasysh, se Sergio është kapiteni ynë, udhëheqësi ynë, referenca jonë… Më duhet të marr vendime për skuadrën. Ai është shumë i rëndësishëm për të gjithë lojtarët këtu. Edhe unë kam qenë zëvendësues tri, ose katër herë (qesh)”.

Ramos ka regjistruar deri më tani 636 paraqitje me Los Blancos, ku ka shënuar 91 gola.