Problemet që e presin Setien te Barcelona

Pasi u emërua në pozitën e trajnerit në gjysmë të sezonit dhe te një klub si Barcelona që është lidere e ligës, Quique Setien do të ketë shumë presion mbi vete për të sjellë suksese në fund të sezonit në Camp Nou.

Përveç se duhet të sigurohet që Barcelona të fitojë trofe këtë sezon, Setieni i ka edhe një numër të probleme me të cilat duhet të përballet menjëherë, shkruan Marca.

Transferimi ose jo i një sulmuesi tjetër

Luis Suarez nuk do të luajë në katër muaj e ardhshëm për Barcelonës pasi që e ka pësuar një lëndim në gju. Kjo bën që Setien të duhet të vendos shpejt nëse dëshiron ta blejë apo huazojë ndonjë zëvendësues për pozitën e qendërsulmuesit gjatë janarit.

Ai mund të vendosë të mos transferojë fare sulmues, duke ia besuar këtë rol Antoine Griezmannit, përderisa opsion mund t’i ketë edhe Ansu Fatin, Ousmane Dembelen ose Carles Perezin.

Ringjallja e stilit të Barcelonës

Nën Ernesto Valverde, stili i lojës me të cilën u bë e njohur Barcelona u humb, pasi që skuadra nën drejtimin e Valverdes nuk arrinte të bënte presion të lartë në fazën e sulmit për të krijuar shumë raste.

E njëjta gjë vlen edhe për përqindjen e posedimit të topit, që ra në një nivel shumë më të ulët sesa në vitet paraprake. Por, tani që ka mbetur kaq pak kohë për të punuar me skuadrën e tij të re dhe përderisa agjenda e ndeshjeve është e ngarkuar, Setieni mund ta lërë këtë punë për sezonin e ardhshëm.

Aktivizimi i mesfushës

Mesfusha do të jetë reparti kryesor në të cilin Setien do të punojë më së shumti, pasi që ky repart është fondamentale për të dhe për stilin e lojës së dëshiruar te Barcelona. Ai duhet t’i ndihmojë Sergio Busquets të kthehet në formë, t’ia caktojë rolet Ivan Rakiticit dhe Arturo Vidalit, si dhe të përkujdeset që të ketë minuta loje edhe për Riqui Puig.

Dilema për postin e mbrojtësit të krahut të djathtë

Sergi Roberto dhe Nelson Semedo janë dy opsionet për pozitën e mbrojtësit të krahut të djathtë, mirëpo asnjëri s’ka arritur ta zë këtë vend në formacion. Ata sjellin atribute të ndryshme në skuadrën katalonase dhe Setien do të duhet ta zgjedhë njërin prej tyre.

Junior Firpo

Ashtu sikur me Riqui Puig, emërimi i Setienit do të jetë lajm i mirë edhe për Junior Firpon, i cili nuk shijoi shumë minuta lojë nën Valverden. Pasi kishte punuar me Firpon në Real Betis, Setien pritet ta nxjerrë më të mirën nga futbollisti.