“Nuk jam më pjesë e strukturave të Kukësit”, Gjici deklaron tërheqjen: Bashkia nuk ka shpenzuar asnjë lek për klubin

Safet Gjici, ka befasuar me vendimin e fundit, teksa ka deklaruar se është tërhequr nga strukturat drejtuese të Kukësit, për shkak të angazhimeve të shumta në Bashkinë e qytetit verilindor.

Në një prononcim për “Top Channel”, Gjici nuk ka zbuluar kujt ia ka besuar drejtimin e ekipit, ndërkohë që preferon të quhet president nderi.

ECURIA – Ajo që më kënaq është se të gjithë lojtarët janë në top-formë, nuk kanë dëmtime dhe kjo është gjë e mirë. Besoj se me kapacitetet që ka ky ekip, them që do të ecim mirë. Kemi luajtur në fusha të huaja në të gjithë kampionatin, u bë viti i dytë. Investimi po ecën me ritme të shpejta dhe uroj që të mbyllet brenda verës që ne të kthehemi në fushën tonë”.

BASHKIA – Unë jam në pozicion tjetër tani, unë flas si kryetar bashkie e nuk jam më pjesë e strukturave të klubit. Por bashkia ka aksionet e veta te klubi paçka se bashkia nuk ka shpenzuar asnjë lek te klubi, edhe sot që flasim por edhe shumë vite më parë.

Gjici

RIVALËT- Besoj se Partizani do të luftojë deri në fund, Tirana pse jo, po kështu edhe Bylisi. Por unë them se rival kryesor do të jetë Partizani. Kështu që të gjithë tifozët e Kukësit kudo që janë i bëj thirrje të vijnë në stadiumin e ri, por edhe të shohin një ndeshje që do të japë spektakël”, deklaroi Gjici.