Neymar i lumtur me skemën e PSG-së

Neymari është i lumtur me skemën aktuale të Paris Saint-Germainit në fazën e sulmit, që i ndihmoi kampionit francez ta marrë një barazim dramatik me rezultat 3:3 kundër Monacos, në Parc des Princes.

Ylli brazilian ishte në formë mbresëlënëse, duke arritur të shënojë dy herë dhe duke e detyruar Fode Ballo-Touren të shënojë autogol. Mirëpo , Monaco i mbijetoi formës së Neymarit dhe arriti ta marrë një barazim.

Gelson Martins dhe Wissam Ben Yedder bën që Monaco të kalojë në epërsi pas golit hapës të Neymarit. Rezulati u barazua me autogolin e Toures, mirëpo Islam Slimani i kali sërish në epërsi mysafirët, para se Neymari ta shënonte golin e barazimit.

Neymari dhe Angel Di Maria luajtën përkrah Mauro Icardit dhe Kylian Mbappes në fazën e sulmit, megjithatë mbrojtja e PSG-së hasi në probleme shkaku i kësaj skeme. Megjithatë, Neymari e ka mbrojtur këtë strategji të trajnerit Thomas Tuchel.

“Ne i shënuam tri gola. Mendoj se skema funksioni mirë. Ne kemi cilësi, e dimë këtë gjë. Mendoj se ju gabuat që e bëtë këtë pyetje, por unë u përgjigja”, tha Neymari, pas ndeshjes.

“Ishte një ndeshje e mrekullueshme, një test i mirë. Ne nuk luajtëm në formën tonë më të mirë të mundshme, por luajtëm mirë. I krijuam vetes raste për të shënuar. Ne duhet të vazhdojmë përpara dhe të tentojmë të mos humbasim pikë në shtëpi”.

“Kjo ishte një ndeshje shumë e vështirë. Ne e dinim se do të ballafaqoheshim me vështirësi sepse ata e kanë një skuadër të mirë dhe cilësore”.

“Ishte një test i mirë për ne. Jemi të lumtur. Kjo nuk ishte ndeshja më e mirë e jona në këtë sezon. Ne do të vazhdojmë të përmirësohemi çdo herë për ta arritur një sezon të mrekullueshëm”.