“Nëse dikush mund të nxjerrë më të mirën nga Bale, ai është Mourinho”

Jose Mourinho është trajneri ideal për të nxjerrë më të mirën nga Gareth Bale, thotë Paul Robinson.

Ish portieri i Tottenham shpreson që uellsiani të rikthehet në Londër. Bale po kalon nëpër një situatë të vështirë në Madrid. Ai ka humbur besimin e trajnerit, Zinedine Zidane, dashurinë e tifozëve dhe është larg futbollistit që dikur ishte.

30-vjeçari po kalon sezonin më të dobët që prej transferimit në Madrid në vitin 2013. Ai ka shënuar vetëm 3 gola në 15 paraqitje, në një sezon me luhatje dhe ngritje, e lëndime të shpeshta si gjithmonë. “Do të doja që të ndodhë”, u përgjigj Robinson kur u pyet për rikthimin e mundshëm të Bale.

“Mendoj se nëse dikush mund të nxjerrë më të mirën nga Gareth Bale, është Jose Mourinho”.

Sipas Robinson, me largimin e Christian Eriksen, ka humbur edhe kreativiteti te skuadra, ndërsa ma ardhjen e Gareth Bale, thotë se do të ndryshonin shumë gjëra.