Në Spanjë shumë shpejt mund të kthehen tifozët në stadiume

Pasi riktheu futbollin që rinisi zyrtarisht të mërkurën me sfidën e Segunda Division Rayo Vallecano-Albacete ndërsa të enjten rifilloi edhe La Liga me derbin e Andaluzisë, Sevilla-Betis në Spanjë po mendojnë edhe për rikthimin e tifozëve në stadiume që mund të ndodhë shumë shpejt madje që në fund të këtij muaji.

Deklaratat e fundit të presidentit të ligës spanjolle të futbollit Javier Tebas ka qenë vërtet shpresëdhënëse dhe gjasat janë që tifozët të kthehen në stadiume në një kohë të shkurtër.

“Numri i të infektuarve po bie çdo ditë dhe qeveria po mendon rikthimin e tifozëve në stadiume. Kemi nevojë të koordinohemi me të gjitha autoritetet për ta bërë diçka të tillë të ndodhë. Për 10-15 do të takohemi me qeverinë dhe do të përpiqemi të rikthejmë tifozët”.

Natyrisht që numri i tyre do të jetë i kufizuar dhe do të ketë masa paraprake. Do ishim të lumtur të kishim edhe sa 10-15 për qind e kapaciteteve të stadiumeve”, është shprehur Tebas për mediat.