Ndryshimi drastik i Liverpool që bëri në skuadër për të arritur te trofetë

Të kthehemi në tetor 2015, ku Jurgen Klopp zëvendësoi Brendan Rodgers si trajner i Liverpool dhe Reds ishin ne vendin e tetë në Ligën Premier.

Në prezantimin e tij ai e etiketoi veten si “Normal One” dhe e dinte se nuk do të ishte një detyrë e lehtë për ta rikthyer Liverpoolin në ditët e tyre të lavdisë.

Formacioni i parë fillestar që ai përdori si trajner i Liverpoolit ishte: Simon Mignolet, Nathaniel Clyne, Martin Skrtel, Mamadou Sakho, Alberto Moreno, Lucas Leiva, Emre Can, Adam Lallana, Philippe Coutinho, James Milner dhe Divock Origi.

Me këtë djem ai e përfundoi atë sezon në vendin e tetë, pastaj dy vitet e ardhshme në vendit e katërt të ndjekur (2016/17 dhe 2017/18).

Liverpooli po përmirësohej gradualisht dhe arriti në finalen e Ligës së Evropës në vitin 2016 dhe në finalen e Ligës së Kampionëve dy vjet më vonë, duke humbur nga Sevilla, përkatësisht nga Real Madridi.

Suksesi evropian erdhi në vitin 2019 kur Klopp e fitoi trofeun e Ligës së Kampionëve pasi mposhti Tottenham Hotspur në Madrid.

Pasoi një Super Kupë Evropiane dhe Kupa e Botës për klube, por ajo që mungoi ishte titulli që Liverpooli lakmoi më së shumti… ai i Ligës Premier angleze.

Edhe ky trofe u arrit të enjten dhe atë pas humbjes që e pësoi Manchester City ndaj Chelseat 2-1.

“Ne duam të krijojmë historinë tonë”, premtoi Klopp pasi humbi titullin në sezonin e kaluar dhe kjo është ajo që ai dhe lojtarët e tij arritën të bënin një vit më vonë.

Me emra si Mohamed Salah, Sadio Mane, Firminho, Van Dijk, Alisson, James Milner, Alexandre Arnold, por edhe shqiptarin Xherdan Shaqiri, Liverpooli tani është kampioni i Anglisë.