“Ndeshjet e futbollit të mos luhen me tifozë”, akademiku Artan Fuga ngre alarmin

Akademiku Artan Fuga, ndërsa komentoi situatën e krijuar nga koronavirusi, tha se nuk duhet pritur të kemi rastin e parë për të marrë masa.

Në një prononcim për “News24”, Fuga u shpreh se nga pikëpamja epidemiko-sociale jemi një zonë me Italinë dhe Greqinë dhe se duhen marrë masa sociale.

Sipas Fugës, nuk ka veprime pa arsye tek qytetarët shqiptarë, ndërsa shton se edhe veprime pa arsye tek qytetarët shqiptarë.

“Në mesjetë prsh ka qenë murtaja, ka qenë kolera. Nuk ka nevojë në këto raste që në fillim të presim shkakun dhe më pas të kemi pasojat. Jo, sepse masat mund të mrren edhe përballë disa potencialiteteve dhe mundësive.

Duhen marrë masa edhe pa pasur rast. Ne nga pikëpamja epidemiko-sociale jemi një zonë me Italinë dhe Greqinë. Ne e dimë se kemi shumë shqiptarë në Itali. Nuk është e ndarë me shtete. Duhen marrë masa sociale, prsh në shkolla ku ka popullsi të dendur duhet të shtohen etj. Ndeshjet e futbollit nuk ka pse të luhen me tifozë.

“Unë nuk marr dot rolin e mjekut dhe as të bëj dot parashikime. Koronavirusi ka ndikim negativ në ekonominë kineze dhe botërore. Dëmtohen nëse jeta sociale ngadalësohet, zvogëlohet, ndërpritet në një farë mënyre.

Unë them se në rastin kinez e atë italian përparësi ka marrë jeta e individit dhe më pas janë marrë të tjera gjëra. Ligji i Mërfit thotë se duhet marrë rasti më i keq, që ndoshta nuk ndodh, por duhet të mendojmë sikur ndodh. Nuk shoh veprime pa arsye tek qytetarët shqiptarë. Edhe blerja e maskave është normale dhe nuk shoh shenja paniku”, deklaroi Fuga.