Me simptoma të koronavirusit, ish-presidenti i Realit dërgohet në spital

Ish presidenti i Real Madridit, Lorenzo Sanz, gjendet në spital në Spanjë me simptoma në përputhje me koronavirusin, sipas djalit të tij, Fernando.

76-vjeçari ishte presidenti në Bernabeu nga 1995-2000, dhe Real fitoi gjashtë trofe gjatë kohës së tij, duke përfshirë edhe titujt e Ligës së Kampionëve në vitet 1998 dhe 2000.

Fernando Sanz, i cili luajti për Realin gjatë kohës së babait të tij si president i klubit, sipas Marca ka thënë këto fjalë: “Ne jemi shumë të shqetësuar dhe pak mund të bëhet mirë”.

“Ai kishte ethe për tetë ditë, ata e thirrën në telefon dhe i thanë të merrte paracetamol”.

“Ai nuk donte të shkonte në spital derisa iu përkeqësua frymëmarrja”.

“Ne nuk e dimë nëse është koronavirus apo jo”.