Koeman flet për Messin: Situata e verës nuk e ka influencuar

Ronald Koeman ka bërë të ditur se situata e krijuar gjatë verës nuk ka influencuar Messin.

Lionel Messi kërkoi largimin nga Barcelona gjatë kësaj vere, por kërkesa e tij u pamundësua nga presidenti i Barcelonës, Josep Maria Bartomeu.

Thuhej se lojtari mund të dëshpërohej dhe të mos tregonte më të mirën, por të kundërtën thotë trajneri i Barcës, Ronald Koeman.

“Që nga dita një, Leo është stërvitur dhe ka luajtur mirë dhe ka dhënë maksimumin për klubin, skuadrën dhe shokët e skuadrës dhe unë nuk kam ankesa për të”, ka thënë Koeman.

“Ai ka provuar vetën edhe një herë ndaj Celtas, shtyu si kapiten, ndihmoi skuadrën të luante topin, sepse ishte e rëndësishme të mbanim topin me një lojtar më pak”, shtoi holandezi.

Barcelona, përkundër problemeve të brendshme, në fushën e blertë është treguar superiore, duke marrë fitore në dy ndeshjet e para, me futboll tejet bindës.