Sulmi më i mirë pas 35 javëve të kampionatit? Atalanta, 95 gola kundër 73 të Juventusit. Mbrojtja më e mirë? Inter, 36 gola të pësuar kundër 38 të bardhezinjve.
Kush ka humbur më pak ndeshje? Gjithnjë Interi, 4, ndërsa skuadra e Mauricio Sarrit ka rënë pesë herë. Juventusi “rrezikon” që ta dërgojë në shtëpi titullin e nëntë radhazi kampion në Itali pa qenë e para në shumë kategori që konsiderohen vendimtare për t’u shpallur kampionë.
Tri javët e fundit të Serisë A do të thonë nëse është me të vërtetë kështu. Në “Dacia Arena” përfundoi 2-1 për Udinezen, që pasi e pa veten në disavantazh prej golit të De Ligtit, përmbysi Juven me Nestorovskin dhe Fofananë. Bardhezinjtë e Sarrit u detyruan kështu ta shtynin festën e titullit.
MBRETËRIMI – Duke parë serinë e tetë titujve radhazi, nuk ka ndodhur kurrë që kampionët e Italisë të mos jenë në krye të asnjë prej këtyre kategorive. Në sezonin 2018-’19, i fundit i Masimiliano Alegrit në krye të skuadrës, Juventusi e mbylli me mbrojtjen më të mirë sa i përket numrit të humbjeve. Një vit më herët, ishte sërish mbrojtja më e mirë me vetëm 3 disfata (njësoj si Napoli i Sarit.
Alegri pati mbrojtjen më të fortë edhe në sezonin 2016-’17 dhe në atë precedent, ashtu siç ndodhi edhe në vitin e tij të parë në Torino, ku i dominoi të gjitha kategoritë. Soliditeti i repartit të prapavijës ishte një prej pikave më të forta të Maks. Edhe skuadra e Antonio Kontes në sezonin 2013-’14, u shpall kampione duke dominuar në çdo fushë. Viti i parë juventin i Kontes, ai që “Zonja e Vjetër” i rrëmbeu titullin Milanit, u mbyll nga bardhezinjtë pa pësuar asnjë humbje. Por ato ishin kohë të tjera dhe sigurisht ishte edhe një Juve tjetër.
nga Ersuin Shehu Banka e Shqipërisë vendosi në fillim të këtij muaji të japë miratimin paraprak për licencimin e bankës…
Dashi Tregohuni sa me diplomate dhe te duruar me partnerin tuaj gjate kësaj dite ne mënyrë qe gjerat te ecin…
Më shumë se një duzinë shtetesh, kryesisht evropiane, kanë reaguar ashpër ndaj vendimit të qeverisë izraelite për të miratuar ndërtimin…
Një punonjës i Policisë së Shtetit është arrestuar në flagrancë pasi ka përplasur për vdekje një kalimtar në Tiranë. Agjencia…
“Muaji i mjaltit” në “Big Brother VIP Albania 5” ka përfunduar në kohë rekord. Shtëpia është tronditur pasditen e sotme…
Miri dhe Selin kanë biseduar me njëri-tjetrin për Kristi Lamaj, si banor, teksa përmendën këngën e tij ‘Bajame’. Miri i…