Ishte një hap larg stolit të Kukësit, Rama flet për Gegën

Drejtori sportiv i Partizanit Olsi Rama përsëriti akuzat ndaj gjyqtarit Juxhin Xhaja, duke i faturuar humbjen turpëruese të të kuqve në derbin e së premtes 5-1 duke e fajësuar për kartonin e kuq të Enea Bitrit, moment që ndryshoi krejtësisht takimin.

Në studion e “RTSH Sport”, Rama theksoi se për aq kohë sa matematika e lejon, Partizani do të luftojë deri në fund për titullin kampion.

“5-1 në derbi rëndon Partizanin – Është një humbje që dhëmb për përmsat që ka dhe për mënyrën si shkoi. Është një humbje që na bën të ndërgjegjshëm se duhet të bëjmë më tepër. Janë 36 pikë në lojë. Trajneri duhet të rrisë cilësinë e lojës dhe ekipit dhe ne do të qëndrojmë mbi kokë në çdo moment.

Akuzat ndaj gjyqtarit Xhaja – Tani që jam më i ftohtë, arbitri ka ndikuar”, përfundoi Rama.

Referuar thashethemeve se ish-trajneri i Partizanit Skënder Gega ishte kandidat për të marrë stolin e Kukësit, drejtori i Partizanit Olsi Rama shtoi se kjo gjë nuk përbën aspak problem për të.

“Skënderi është trajneri që nxori Partizanin kampion. Mund të pranojë çdo ofertë për të drejtuar skuadër. Mendova se do të shkonte në Arabinë Saudite kur ishte në negociata. Është ende, mund të ishte dhe trajner i Kukësit. Nuk kam asnjë koment tjetër”, u shpreh Rama rreth lajmeve se Gega pritet të merrte drejtimin e Kukësit.

Në vazhdim të emisionit “Rubrika Sportive”, Rama theksoi se Partizani ishte dominues në lojë ndaj Tiranës duke iu referuar stastikave. Ai gjykoi se skuadra duhet ta kishte menaxhuar më mirë situatën.

“Prandaj si rrjedhojë, dhe sigurisht ishte një gabim jo për nivelin e mbrojtjes së Belicës që futi në panik ekipin. Të mendosh që do të luash 80 minuta me 10 lojtarë, e komplikon çdo gjë më tej. Megjithaë, më kanë kontaktuar qoftë si Olsi apo si drejtor i Partizanit se Partizani me volumin e lojës e dominoi Tiranën. Me goditje këndi ishim 12-1. Kur ndeshja shkon 3-1 aty u thye çdo gjë. Gjithësesi për një ekip kampion, edhe menaxhimi i situatës duhet të jetë i vëmendshëm. Është një gjë që dhëmb, është proçesi i rritjes së moralit në vazhdimësi”, u shpreh Rama për analizën e derbit Tirana-Partizani 5-1.