I dha fitoren Milanit, Rebic: Tregova se çfarë jam në gjendje të bëj

Milan ka marrë tri pikë të arta në ‘San Siro’, duke e mposhtur 3-2 Udinesen. Milani ka shkuar në kuotën e 28 pikëve dhe gjendet në pozitën e tetë në renditjen e Serie A.

Milani i Stefano Piolit ka vazhduar me rezultatet pozitive në Serie A.

Në xhiron e 20, Milani rrëmbeu pikët e plota në shtëpi, duke e mposhtur me shumë vështirësi Udinesen, sfidë që përfundoi 3-2.

Heroi i këtij takimi për Kuqezinjtë është lojtari që ditë më parë flitej se do të largohet, Ante Rebic.

Ai hyri në lojë në pjesën e dytë dhe shënoi dy gola, fillimisht për 1-1 në minutën e 48’të dhe më të rëndësishmin, atë të fitores në fund të takimit, për 3-2 në minutën e 93-të, për t’ia siguruar tri pikë Milanit.

“Unë jam i kënaqur sepse më në fund tregova se çfarë mund të bëj dhe 3 pikët janë shumë të rëndësishme, tash duhet të vazhdojmë përpara”, ka thënë Rebic.

“Unë nuk dua të them asgjë për synimet tona deri në fund të edicionit. Ne duhet të shkojmë ndeshje pas ndeshje, duke marrë pikë dhe duke u përqendruar në këtë gjë”, shtoi kroati. /