Henry tregon të vertetën: Ishte më e lehtë të luaje tek Arsenal sesa te Barcelona

Ikona franceze e futbollit, Henry, ka kaluar vitet e tij më të mira të karrierës me skuadrën e Arsenal, por pati momente të paharruara dhe vazhdimësi edhe te Barcelona.

Henry kaloi te Barcelona në vitin 2006, pasi humbte finalen e Ligës së Kampionëve me Arsenal, pikërisht kundër katalanëve.

Lojtari ka folur për këto dy skuadra, duke thënë se ishte më e lehtë të luante tek Arsenal sesa te Barcelona.

“Tek Arsenal, mund të shkoja kudo që dëshiroja. Ishte më e lehtë për mua tek Arsenal, sepse kisha edhe Bergkamp e Kanu. Ata qëndronin në mes, gjë që më lejonte mua të kthehem, të lëviz majtas ose djathtas”, ka thënë Henry.

“Unë shkova te Barcelona, një koncept loje krejtësisht tjetër, duhej të rimësoja lojën”, ka shtuar francezi.

“Unë kisha Rijkaard i cili më kërkonte të qëndroja në krahun e majtë, pastaj kur erdhi Pep… Pep është një trajner fantastik, por ai kërkon shumë, është intens dhe është si të luash shah me të”.

“Gjithmonë ke dësihrë të jesh një hap përpara në atë që bën. Për ta bërë këtë, duhet të jesh në pozitën tënde, për ta bërë fushën sa më të madhe, që mesfushorët të operojnë ashtu si kanë nevojë”, ka shtuar ndër të tjerash Henry.

Më parë, Henry tregonte se si Guardiola e kishte zëvendësuar atë pasi kishte shënuar një gol në Ligën e Kampionëve. Por, këtë e kishte bërë duke lënë pozitën e tij dhe kjo nuk u tolerua.