Guardiola kërkon pezullimin e garave: Çfarë kuptimi ka futbolli pa tifozë?

Pep Guardiola do të preferonte që autoritetet të pezullonin garat në përgjigje të koronavirusit, dhe jo të luhet pas dyerve të mbyllura.

Trajneri i Manchester City beson se është çështje kohësh kur edhe futbolli në Premierligë do të ndikohet nga rrjedha e koronavirusit.

Guardiola thotë se pezullimi i sezonit do të kishte më shumë kuptim sesa të organizohen ndeshje pa tifozë.

Biodroga – Men Anti-Age
“Ne jemi të vetëdijshëm për këtë sepse ka ndodhur në Itali, liga është pezulluar. Spanja po luan pas dyerve, dhe mendoj se kështu do të ndodh edhe këtu”, ka deklaruar Guardiola.

“Çështja tjetër është se a ja vlen të luash futboll pa tifozë? Ne bëjmë punën tonë për njerëzit. Nëse ata nuk mund të vijnë, nuk do të kishte kuptim pa to”.

“Ne do të ndjekim udhëzimet dhe të gjithë në mbarë botën janë të përfshirë. Unë preferoj të mos, definitivisht”.