“Ëndrra e Mane është që të vesh fanellën e Realit një ditë”, “France Football” analizon të ardhmen e Mane

“Ëndrra e Mane është që të vesh fanellën e Realit një ditë”, me këtë titull të mrekullueshëm, “France Football” analizon situatën në treg për sulmuesin senegalez të Liverpool, shkruan Albeu.com.

Lojtari 28-vjeçar ishte përfolur për dy vjet për një transferim te Reali i Madridit.

Ishte pikërisht revista franceze që ndezi fitiln në vitin 2018.

“Mane do të ishte nënshkrimi i parë i Zidane për 2019-20”, ishte lajmi nga France Football.

Mediat raportuan në atë kohë që dorëheqja e trajnerit ndaloi operacionin. Dy vjet më vonë, France Football thotë se ëndrra e Mane është që të vesh fanellën e Madridit një ditë.

Ylli afrikan, gjithmonë sipas France Football, do të kishte shijen e hidhur këtë sezon pasi nuk arriti të fitonte
“Topin e Artë”.

Ai shpresonte të pasonte Xhorxh Ëeah, i vetmi afrikan deri më tani për të fituar këtë çmim (1995), por ai ishte i katërti pas Cristianos, shokut të tij të skuadrës Van Dijk dhe Messit, fitues.

Ky zhgënjim, së bashku me deklaratat e Klopp në të cilat ai deklaroi se Van Dijk e meritonte “Topin e Artë”, mund të ketë ndikuar në të ardhmen e lojtarit.

Keita Balde, i pyetur tha se për AS Real Madrid është një ekip që mund ta joshë Mane.

“Kjo varet nga shumë gjëra. Nuk e di cili është vendimi i tij. Në një apo dy vjet, mbase ai do të dëshirojë të ndryshojë dhe nuk mendoj se dëshiron të jetë atje gjatë gjithë jetës së tij. Ai është një djalë i zgjuar dhe ai e di se çfarë është më e mira për të dhe çfarë duhet të bëjë”.

Një muaj më parë, Momo Sissoko, një ish-lojtar i Valencias, na befasopi kur deklaroi në një intervistë në Itali: “Unë mendoj se Mane do të shkojë në Madrid …”.

Me një kontratë me Reds deri në vitin 2023, largimi i tij nga Anfield është më se i ndërlikuar. Ai nënshkroi në vitin 2016 nga Southampton për 34 milion euro pas një sezoni mahnitës (15 gola dhe nëntë asistime), Mane është bërë një pjesë themelore në skemën e Jurgen Klopp.

Liverpool nuk është një klub shitës, por në rast të negociatave, vlerësimi aktual i lojtarit vlerësohet rreth 150 milion euro,” shkruan “France Football”. /albeu.com/