Emery i thur elozhe vetes: Arsenali ishte në rënie, unë e ringjalla

Unay Emery bëson se ai kishte bërë progres te Arsenali para setë shkarkohej në fundin e vitit të kaluar.

Unai Emery ka mbrojtur rekordin e tij si trajner i Arsenali derisa ka vënë në dyshim sjelljet e disa lojtarëve që ai i menaxhoi gjatë kohës së tij në Emirates Stadium.

“Arsenali ishte një klub që po binte për dy vite rresht derisa unë shkova aty”, tha Emery për France Football.

“Ne e ndaluam këtë rënie dhe fillova ta forcojë klubin derisa e dërgova atë në fianle të Europa Ligës dhe ishim në vendin e pestë, një pozitë më poshtë Tottenhamit”.

“Ne e kishim kualifikimin në Ligën e Kampionëve në dorë dhe gjërat shkuan keq nga finalja e Europa Ligë. Por ishte një sezon i mirë dhe ne kishim ide si ta çojmë skuadrën përpara”.

Gjatë afatit të verës Emery arriti të transferojë në skuadër lojtar si Nicolas Pepe, David Luiz dhe Kieran Tierney që u bashkuan me qëllim që skuadra të jetë në Ligën e Kampionëve për sezonin e ri.

Megjithatë, topxhinjtë vuajtën për konsistencë dhe ishin shtatë ndeshje pa fitore, starti më i keq që nga viti 1992.

Emery thotë se këto rezultate të dobëta erdhën si pasojë e mungesës së lidershipit pas largimeve të verës sidomos të lojtarëve: Laurent Koscielny, Petr Cech, Aaron Ramsey dhe Nacho Monreal derisa mendon që disa lojtarë kishin mungesë mentale për të fituar.

“Ne i humëm katër kapitenët tonë: Koscielny, Cech, Ramsey dhe Monreal”, tha Emery. “Ne e humbëm karakterin këtë sezon për të mbetur në rrugën e duhur. Disa yje nuk e kishin përkushtimin e drejtë dhe kërkonin më shumë se sa ata jepnin”.

“Për ta bërë këtë është dashur më shumë kohë për një tranzicion të suksesshëm për një Arsenal të ri që unë e dëshiroja”.