Momenti i shumëpritur erdhi. E enjtja është dita e madhe e futbollit shqiptar në arenën europiane. Plot 6 skuadra do të zbresin sot në fushë teksa do të zhvillojnë sfidat e turit të 2-të paraeliminator të Europa League. 3 skuadra të Kategorisë Superiore, 2 skuadra shqiptare të Maqedonisë dhe kampionia Kosovës do të kërkojnë me të gjitha mënyrat kualifikimin për më tej edhe pse kundërshtarët që kanë përballë janë shumë të fortë dhe vinë nga kampionate elitare. Tre skuadrat e Superiores që luajnë sot të gjithë shqiptarët do të kenë mundësi t’i ndjekin live në ekranin e Supersport.
Në orën 16:00 Teuta e Edi Martinit që bëri surprizën në turin e parë duke eliminuar izraelitët e Beitar Jerusalem do të presë në Niko Dovana në një ndeshje teke ku do të zgjidhet çështja e kualifikimit, Granadën skuadrën e La Ligas që merr pjesë për herë të parë në kompeticionet europiane. Favorite e padiskutueshme për të kaluar më tej është padiskutim skuadra andaluziane, megjithatë Teuta do të përpiqet të thotë fjalën e saj në këtë duel. Në orën 19:00 në Elbasan Arena, Laçi i Armando Cungut do të presë izraelitët e Hapoel Beer Sheva. Ndryshe nga një vit më parë ku kjo përballje ishte për turin e parë dhe ndeshja e vajtjes u luajt në Laç me tifozë, këtë herë do skuadrat do të zbresin mbi tapetin e gjelbërt të Elbasan Arenas, pasi stadiumi i Laçit nuk i plotëson kushtet për të luajtur ndeshje të turit të dytë.
None found
Një vit më parë kurbinasit barazuan 1-1 me Hapoel Beer Shevan në shtëpi dhe u eliminuan pasi u mposhtën 1-0 në ndeshjen e kthimit në Izrael. Këtë herë luhet me tek ndeshje në Shqipëri dhe është një Laç më i fortë akoma që do të bëjë të pamundurën për të marrë kualifikimin. Në orën 20:00 në Air Albania do të jetë radha e Kukësit për të sfiduar gjermanët e Wolfsburgut në një ndeshje historike për skuadrën e Skënder Gegës, pasi Wolfsburgu mund të konsiderohet kundërshtari më i vështirë me të cilin është përballuar ndonjëherë Kukësi. Gjithsesi siç e ka thënë edhe trajneri Skënder Gega, Kukësi nuk do të hyjë në fushë i dorëzuar, por për ta provuar.
Deputetja e Lëvizjes Vetëvendosje, Fitore Pacolli, ka bërë të ditur se Inspektorati i Ministrisë së Mjedisit, Planifikimit Hapësinor dhe Infrastrukturës…
Fati i personave të zhdukur gjatë luftës në Kosovë vazhdon të mbetet një nga plagët më të rënda të pasluftës,…
Deutsche Bank, institucioni më i madh financiar në Gjermani, po përballet me akuza të reja pas publikimit të mbi 15…
Edon Zhegrova ka marrë pjesë në të gjithë seancën stërvitore të Juventusit, duke dhënë sinjale pozitive për trajnerin Luciano Spalletti…
Gjashtë vendime të gabuara të gjyqtarëve janë evidentuar në xhiron e fundit të Ligës Premier, duke barazuar rekordin më të…
Rey ManajPara disa ditësh, u përfol në mediat turke për largimin e mundshëm të sulmuesit Rey Manaj nga Sivasspor, madje…