Do luajë më Casillas futboll? Ky është vendimi zyrtar i portierit legjendar

Iker Casillas ka vendosur të pensionohet nga futbolli, duke dashur të jap kontribut në futbollin spanjoll.

Ish portieri i Real Madrid, ka njoftuar presidentin e Portos për vendimin për t’u larguar nga fushat e blerta.

Jorge Nuno Pinto da Costa ka konfirmuar se ka pasur një takim me Casillas, ku është informuar për situatën e re, ku ish portieri spanjoll do të kandidojë për të parin e kreut të Federatës së Futbollit të Spanjës.

Iker Casillas gjatë karrierës së tij ka veshur vetëm fanellat e Real Madrid dhe Portos, dhe te këta të fundit, ishte transferuar në vitin 2015.

38 vjeçari në maj të vitit të kaluar pësoi një sulm në zemër, të cilit arriti t’i mbijetojë, dhe që nga ajo kohë, nuk është paraqitur në asnjë ndeshje për Porton.