Jose Mourinho ka thënë se topi i përdorur në ndeshjen e skuadrës së tij Tottenham kundër Middlesbrough në FA Cup ishte shumë i lehtë dhe si një top i lojës në plazh, megjithëse këmbënguli se kjo nuk ishte arsyeje përse skuadra e tij dështoi të fitojë.
Tottenhamit iu desh një gol i vonshëm i barazimit nga Lucas Moura për ta siguruar përsëritjen e ndeshjes së rrethit të tretë, pasi Ashley Fletcher e kishte kaluar në epërsi skuadrën nga Championship pesë minuta brenda pjesës së dytë.
Duke folur pas ndeshjes, Mourinho pati një ankesë të pazakontë, duke pretenduar se topi i përdorur në FA Cup dallon shumë me topin që përdoret në Premierligë, gjë që ndikoi në aftësitë e lojtarëve të tij për ta mbajtur topin në zotërim.
“Mendoj se topi është top plazhi. Është tepër i lehtë. Mendoj se nuk u ndihmon lojtarëve aspak. Ama ky nuk është arsyetim”, tha Mourinho për BT Sport.
Trajneri portugez pretendon se goli i Middlesbrough u shënua nga një pozitë jashtë loje dhe beson se sikur të kishte VAR në stadium, ai do të anulohej.
“Goli i Middlesbrough ishte nga pozita jashtë loje. VAR-i do ta anulonte për pozitë jashtë loje”, shtoi ai.
Nuk janë vetëm klubet shqiptare ata të cilët do të vuajnë ndalimin e merkatos gjatë dritares së janarit. Me sa…
Në tregun e këmbimit valutor shqiptar, një dollar amerikan, do të blihet sot me 81.9 lekë dhe do shitet me…
Presidenti rus Vladimir Putin, ka thënë se nuk do të ketë më luftëra pas Ukrainës, nëse Rusia trajtohet me respekt…
Këtë të shtunë vendi ynë, do të ndikohet nga kushte atmosferike të kryesisht të qëndrueshme. Moti parashikohet i kthjellët e…
Dashi Marrëdhënia ne çift nuk do jete ashtu si ju e kishit menduar. Qe ne orët e mëngjesit do debatoni…
Drejtoresha e Përgjithshme e Radio Televizionit Shqiptar, Eni Vasili, përcolli një mesazh të fortë dhe emocionues gjatë Fest 64, duke…