Cikalleshi: Nuk kemi marrë rrogat, s’e prisnim këtë situatë

Sokol Cikalleshi si shumë lojtarë të tjerë, është izoluar në shtëpinë e tij, në ankth për shkak të situatës së vështirë nga Koronavirusi.

Sulmuesi i Kombëtares, është shprehur se jemi në një situatë shumë të vështirë, duke bërë apel që të gjithë të qëndrojnë në shtëpi dhe ta vlerësojnë maksimalisht këtë situatë.

Cikalleshi gjithashtu u shpreh se ende nuk ka marrë rrogën e muajit të kaluar.
““Look”-u? Është për shkak të karantinës. Pagat? Nuk kemi pasur asnjë komunikim. Në vazhdim besoj që do kemi. Më e rëndësishme është që kjo situatë të kalojë, pasi këtu është shumë serioze. Rrogën e muajit të kaluar nuk e kemi marrë akoma, do flasim më vonë.

Të gjithë prisnim që situata mos ishte kaq serioze, por është rënduar shumë dhe jemi të gjithë në karantinë. Siç kemi dëgjuar do të shkojë akoma më keq situata nga ky virus. Në kushte shtëpie është e vështirë të mbajmë ritmin që kishim. Objektivi është të humbasim sa më pak të jetë e mundur. Për fat të mirë kam një ballkon dhe e shfrytëzoj për stërvitje.