Cannavaro ëndërron të drejtojë këtë klub

Legjenda e Italisë, Fabio Cannavaro, ka zbuluar ekipin që ëndërron të drejtojë një ditë.

Pasi përfundoi karrierën e pasur si futbollist, Cannavaro filloi zejen e trajnerit. Pas një periudhe në Emiratet e Bashkuara, sot ai me sukses drejton Guangzhou Evergrande, me të cilët fitoi titullin sezonin e kaluar.

E gjithë kjo i jep shpresë që një ditë të punojë në Serie A, dhe nëse ai mund të zgjedhë, ai dëshiron të drejtojë Napolin, për të cilën skuadër ka luajtur për tri sezone.

“E fillova karrierën time stërvitore pesë vjet më parë dhe që atëherë kam ëndërruar që një ditë të drejtoj një klub të madh. Napoli është një prej tyre”, ka deklaruar Cannavaro për Sport Mediaset.

“Unë kam qenë më fat në karrierën time që kam punuar me trajnerët më të mirë dhe shpresoj të kemi mësuar diçka nga të gjithë. Dua të punoj në Napoli. Si fëmijë, ëndërroja të bëhesha simbol i klubit”.