Bielsa: Guardiola i ka bërë një dëm të madh futbollit

Dita e shtunë do të sjellë një përballje shumë të veçantë në Premier Ligë, pasi përballë do të vihen Pep Guardiola me Marcelo Bielsën.

Trajneri argjentinas ka arritur të ktheje Lids në elitë pas shumë vitesh dhe Guardiola nuk e ka fshehur kurrë admirimin për punën e tij, duke e cilësuar si një nga teknikët që e ka frymëzuar.

Edhe vetë Bielsa shprehet me fjalët më të mira për teknikun spanjoll, por ka bërë të qartë se bashkë me llojin e futbollit të bukur që prodhoi, Guardiola ka afruar në këtë sport edhe diçka negative.

“Ai i ka bërë një dëm të madh futbollit, pasi pa dashur, shpiku një sistem i cili është ai si të mbrohesh ndaj një ekipi të Guardiolës”, tha trajneri duke kujtuar se të gjithë tashmë i luajnë të tërhequr në mbrojtje ekipeve që drejtohen nga spanjolli.

Ai nuk fsheh vlerësimin që ka për shumë trajnerë të tjerë, por nuk mendon se ata i ngjasojnë njëri-tjetrit. “Një gjë është Klop, një gjë është Guardiola dhe një gjë tjetër jam unë, Nuk mubd ta cilësoj veten në një nivel apo në një pikë ku mund të ketë krahasim me të tjerët. Eksperiencat e mia? Asgjë nuk mund të kalojë atë që ndjen kur drejton Njuells në Argjentinë. Por duke folur për Europën, Marseja dhe Bilbao janë dy vendet unike për të shijuar futbollin”, tha trajneri.