Anthony Joshua flet hapur për luftën me ankthin dhe presionin gjatë hyrjes në ring

Anthony Joshua ka folur në lidhje me luftën e tij kundër ankthit që e bën të dëshirojë të kthehet prapa gjatë kohës kur po hyn drejt ringut.

“Në palestër gjithçka është argëtim dhe lojë, por pastaj kur shkoj drejt ringut them se çfarë mund të ndodhë nëse kthehem prapa dhe them se nuk mund ta bëj”.

“Por, ke ardhur shumë larg për t’u kthyer, prandaj duhet ta tejkalosh ankthin. Si e kanalizon atë përgjegjësi dhe presion? Me anë të përkushtimit”.

“Kur je i përkushtuar ndaj vetes, mund të përkushtohesh për gjithçka. Unë jam boksier. Edhe kur të heq dorë nga boksi, gjithmonë do ta kem atë pasion”, ka deklaruar 30-vjeçari për Sidelines të Sky Sports.