16.500 nënshkrime, mocioni mosbesimit ndaj Bartomeut fare pranë përfundimit

Presidenti i Barcelonës Josep Maria Bartomeu po përballet me një mocion mosbesimi dhe mund të largohet përpara fundit të vitit pasi mocioni për ta hequr atë nga pozicioni i tij ka mbledhur më shumë se 16.500 nënshkrimet e kërkuara të verifikuara.

Fushata ‘Mes que una Mocio’ filloi në gusht, një ditë pasi Lionel Messi dërgoi një burofax në klub duke thënë se ai donte të largohej. Kandidati presidencial Jordi Farre, i cili paraqiti peticionin kundër Bartomeu, tha se situata e Messit ishte maja e ajsbergut dhe akuzoi presidentin dhe bordin e drejtorëve të Barçës për vite të tëra keqmenaxhimi.

Mbi 20,000 anëtarë kishin nënshkruar mocionin nga mesi i shtatorit, por ata kishin nevojë të verifikoheshin nga një komision i bashkuar nga klubi.Të mërkurën, mbi një javë pasi filloi procesi i verifikimit, 16,521 nënshkrime të verifikuara u konfirmuan duke përmbushur pragun për shkaktimin e mocionit të mosbesimit kundër Bartomeu.Barca tani duhet të caktojë një datë, brenda 20 ditëve të ardhshme, për një referendum që do të mbahet midis 154,000 anëtarëve të klubit.

Më shumë se 66.6% duhet të votojnë kundër që Bartomeu që të hiqet.Nëse kjo ndodh, klubit do t’i duhet të mbajë zgjedhjet për të zgjedhur një president të ri, me Farre midis atyre që do të garojnë. Kandidatët e tjerë mund të përfshijnë Victor Font dhe Joan Laporte.