Në fundjavë pritet të mbërrijë opinioni paraprak i Komisionit të Venecias për emërimet në Gjykatën Kushtetuese.
Por para mbërritjes së tyre është mësuar një pjesë e përfundimeve të tyre. Burime nga selia në Strasburg e Venecias bënë me dije për Ora News se në opinionin paraprak konstatohet se mënyra e veprimit të KED është e dyshimtë dhe se ligji për ndryshimin e betimit tek Presidenti është antikushtetues.
Venecia vlerëson se Presidenti Meta ka vepruar sipas germes dhe logjikes kushtetuese.
Nga ana tjetër Venecia konstaton se nuk ka bazë për shkarkimin e Presidentit, pasi veprimet e tij kanë qenë në përputhje me interpretimin e arsyeshëm të Kushtetutës.
Por zyrtarisht dhe në detaje,Kuvendi dhe Presidenti Ilir Meta do të njihen në fundjave me dokumentin e hartuar nga zyrtarët e Komisionit, të cilët pritet t’i japin zgjidhje debatit për Kushtetuesen mes Kreut të Shtetit dhe mazhorancës.
Kjo e fundit ka kërkuar opinion mbi faktin nëse Ilir Meta ka shkelur Kushtetutën duke mos thirrur për betim Arta Vorpsin dhe nëse zgjedhja e Marsida Xhaferllarit ka qenë përtej afateve të përcaktuara në Kushtetutë.
Ndërkohë Presidenti në një arsyetim të gjatë ka kërkuar që Venecia të njihet me “puçin” kushtetues, siç e quan ai, ndërmjet Parlamentit dhe KED.
Ai kërkoi një opinion nëse Ardian Dvorani nuk ka respektuar rendin kronologjik President-Parlament-Gjykatë e Lartë për emërimet në Gjykatën Kushtetuese.
Pas opinionin paraprak, në fund të marsit do të ketë edhe dokumentin përfundimtar për t’u interpretuar nga palët e përfshira në këtë proces.
Dekreti i Presidentit Meta për emërimet në Kushtetuese është objekt i punës i komisionit hetimor, i cili ka afat deri me 8 Prill.
Por edhe nëse mazhoranca do të vendosë për të shkarkuar Presidentin Ilir Meta, do të duhet verdikti final i Gjykatës Kushtetuese, e cila në këto momente nuk ka kuorumin për të marrë vendim për këtë çështje. /oranews
Dashi Me Hënën që hyn në shenjën tuaj, parashikohet një ditë interesante. Është momenti ideal për të vënë në jetë…
Protesta të mëdha kanë shpërthyer sot në disa vende të Lindjes së Mesme në përgjigje të sulmeve të fundit ushtarake…
Një aksident ka ndodhur mbrëmjen e sotme në Mezhgoran të Tepelenës. Ngjarja ka ndodhur në aksin rrugor Ura e Leklit…
Një përplasje fizike është regjistruar në zonën e Astirit në Tiranë, ku një burrë ka shkuar pranë banesës së ish-bashkëshortes…
Real Madridi mund të jetë i detyruar të kursejë disa nga emrat kryesorë në Kupën e Botës për Klube që…
Një tërmet me magnitudë 5.1 të shkallës Rihter ka goditur Iranin verior, në një moment kur vendi ndodhet në mes…