Vajza e mjekes tek Infektivi: Ju lutem kujdes, prej 4 muajsh nuk përqafoj dot mamin tim

Në një kohë kur Shqipëria po kalon ditë të vështira për shkak të COVID-19, ndërgjegjësimi duhet të jetë në nivele maksimale nga qytetarët që të parandalojmë agravimin e situatës.

Me anë të një postimi në Facebook, Greis Çomo, vajza e doktoreshës së njohur Najado Çomo, ka prekur me fjalët e saj të ndjera në rrjete sociale, kur thotë se prej më shumë se 4 muajsh nuk mund të përqafojë nënën e saj.

Përmes një shënimi në facebook, Greis thotë se edhe vetë doktoreshë Najada e ka të pamundur të përqafoj nënën e saj, kjo për shkak të riskut që ekziston për të transmetuar virusin.

Statusi i Greis Çomo:

Personat që më njohin e dinë sa njeri diskret që jam, por e ndjej të nevojshme të shkruaj “2 fjalë”… Prej më shumë se 4 muajsh, nuk mund të përqafoj dot mamin tim… Prej më shumë se 4 muajsh, vetë ajo nuk mund të përqafojë dot gjyshen time…

Prej më shumë se 4 muajsh, unë dhe babi, shohim çdo ditë në sytë e saj lodhjen, përkushtimin, dëshpërimin për jetët e humbura, pavarësisht përpjekjeve të panumërta që stafi mjekësor është dukë bërë…Prej më shumë 4 muajsh stafi mjekësor, të gjithë pa asnjë përjashtim, janë duke shërbyer me një energji dhe forcë të paimagjinueshme…

Prej më shumë se 4 muajsh na kërkohet që të zbatojmë disa rregulla të cilat, në këndvështrimin tim, nuk janë kaq të vështira dhe të pamundura. Ju lutem, tregohuni pak egoist për veten tuaj, ruani distancën, vendosni maskën