U arrestua para selisë së PS-së, flet kushëriri i Vladimir Gjutës: Armën e mban vazhdimisht me vete

Paraditen e sotme, policia arrestoi pranë zonë së “Dollarit” në Tiranë, Vladimir Gjutën, një emër i njohur për drejtësinë shqiptare.

Arrestimi i tij u bë për shak se dyshohej të kishte ardhur në atë zonë për të sulmuar ndonjë nga zyrtarët e Partisë Socialiste, ku më së shumti u përfol për Edi Ramën, ndërsa ky i fundit hyri me ‘Benz’ dhe doli me “Lincoln” të blinduar nga selia.

Policia njoftoi se Gjutës iu sekuestrua një armë dhe një shumë e madhe parash.

Së fundmi JOQ Albania ka publikuar një mesazh të mbërritur nga një familjar i Gjutës. Ai hedh poshtë të gjitha aludimet se kushëriri i tij kishte shkuar për qëllime të këqija, por thekson se ka shkuar vetëm për të thyer disa euro në një Exhange aty pranë.

Ai shton se armën e mban për vetëmbrojtje pasi është person me probleme.

“Prsh joq,une jam nje i aferm i Vladimir Gjuta dhe meqenese jeni faqja me e ndjekur ne shqiperi edhe jashte nuk ndjehemi mir ne si familjare te shofim ato lloj komentesh per familjarin tone. Sepse ai nuk kishte fare lidhje me Ramen, ishte nisur per te exchange aty ngjitur per te thyer leket dhe pistoleten e mban shumicen e rasteve per vetmbrojtje pasi dihet qe eshte njeri me probleme.”, shkruan i afërmi i Gjutës ë ka preferuar të mbetet anonim.

Kujtojmë se Vladimir Gjuta u lirua nga paraburgimi disa ditë më parë, pasi u arrestua për plagosje ndaj kushëririt të tij. 40-vjeçari përfundoi në pranga më 4 janar të këtij viti, pasi kishte rrahur me çekiç duke i thyer dhëmbët kushëririt të tij.