U aksidentua rëndë, shoferi i furgonit të Postës dërgohet me helikopter drejt Traumës

Mesditën e sotme ka ndodhur një aksident i rëndë në Korçë ku një mjet tip “Benz” është përplasur me një furgon “Volsëagen” të Postës Shqiptare.

Nuk dihen ende shkaqet e ngjarjes, ndërsa nga aksidenti mësohet të ketë mbetur i plagosur rëndë shoferi i furgonit, një 35-vjeçar me iniciale K.P..

Policia bën me dije se 35-vjeçari kishte mbetur i bllokuar keq në furgon, saqë zjarrfikësja ishte detyruar ta presë mjetin për ta nxjerr jashtë dhe më pas transportuar drejt spitalit.

Pas disa orëve mjekim në spitalin e Korçës, shoferi i postës është transportuar me helikopter drejt Traumës për shkak të gjendjes së rënduar shëndetësore. Ndërkaq, bëhet me dije se shoferi tjetër i ‘’Benz-it’’, N.S, është shoqëruar në komisariat për veprime të mëtejshme.

Njoftimi i plotë i policisë:

Korçë/Informacion paraprak

Më datë 09.06.2020, rreth orës 14:00, në aksin Korçë-Bulgarec, janë përfshirë në një aksident rrugor mjeti tip “Benz” me drejtues shtetasin N. S., me mjetin furgon tip “Volksëagen” të Postës Shqiptare, me drejtues shtetasin K. P., rreth 35 vjeç, i cili për pasojë është dëmtuar dhe u transportua në Spitalin e Korçës për mjekim, ku ndodhet nën kujdesin intensiv të mjekëve.

Shtetasi N.S, ndodhet i shoqëruar në ambientet e Komisariatit për veprime të mëtejshme.

Grupi hetimor po punon për zbardhjen e rrethanave të ngjarjes dhe përcaktimin e shkaqeve të aksidentit.