Tragjike! E mori dhëndri për pushime, si ndërroi jetë në Indonezi nga COVID-19 shqiptari

Dëri në ditën e sotme koronavirusi ka marrë 4 jetë shpiptare. Dy brenda kufijve, një në Itali dhe një në Indonezi.

Së fundmi ndërroi jetë një 85-vjeçar shqiptar në Indonezi për shkak të koronavirusit.

I moshuari shqiptar kishte shkuar për pushime disa ditë më parë në Indonezi bashkë me familjen.

Vajza e tij është martuar me një zvicerian dhe të dy ata vendosen që në udhëtimin për në Indonezi të merrnin edhe prindërit të kësaj të fundit, por duket se gjithçka ka shkuar keq, shkruan abcneës.al.

Tre shqiptarët, pikërisht 85-vjeçari që ndërroi jetë, bashkëshortja e tij dhe vajza janë infektuar me koronavirus, ndërsa dhëndri zvicerjan ka rezultuar negativ.

Vajza dhe nëna janë në gjendje shëndetësore të stabilizuar, ndërsa 85-vjeçari është varrosur nga autoritetet indoneziane.

Ndërkohë, mësohet se në Indonezi gjenden edhe një çift shqiptarësh që nuk ka lidhje me familjen e mësipërme. Ata kishin shkuar për pushime, por kanë ngecur në Indonezi për shkak të krizës së shkaktuar nga koronavirusi.