Janë bërë publikë tre emrat e rinj të personave që kërkohen nga Policia e Shtetit.
Të tre pesonazhet e krimit janë të dnëuar me 25 vjet burg për vrasje dhe janë ende në kërkim policor, pa e vuajtur dënimin që u është caktuar.
Por cilët jane tre të kërkuarit:
Në datën 19 mars 1997, në lagjen nr. 5, Korçë, shtetasi Gentian (Eugen) Sula, në bashkëpunim me shtetas të tjerë, ka vrarë me armë zjarri, në banesën e tij, shtetasin B. F. dhe si pasojë e shkëmbimit të zjarrit ka gjetur vdekjen edhe bashkëpunëtori i Gentianit, shtetasi D. B.
Gentian (Eugen) Sula është dënuar nga Gjykata e Apelit Korçë, me 25 vjet burg, për veprat penale “Vrasja me paramendim, kryer në bashkëpunim” dhe “Armëmbajtja pa leje”.
Në datën 27 qershor 2000, në vendin e quajtur “Magazinat e tregtisë”, në rrugën “Siri Kodra”, Besnik Lamçja, në bashkëpunim me shtetasin E. Ç., ka vrarë me armë zjarri shtetasin G. U.
Besnik Lamçja është dënuar me 25 vjet burgim, nga Gjykata e Rrethit Gjyqësor Tiranë, për veprat penale “Vrasja me paramendim, kryer në bashkëpunim” dhe “Vjedhja me armë”.
Në datën 17 janar 1999, në vendin e quajtur “Ura e Babrroit”, shtetasi Kujtim Qordja ka vrarë me armë zjarri shtetasin P. U. (H).
Kujtim Qordja është dënuar me 25 vjet burgim, nga Gjykata e Rrethit Gjyqësor Tiranë, për veprën penale “Vrasja me paramendim, kryer në bashkëpunim”. /albeu.com/
Një i mitur rreth moshës 3 vjeç është gjetur sot nga qytetarët në Tiranë në bulevardin Dëshmorët e Kombit, pa…
Autoriteti i Konkurrencës së Kosovës ka njoftuar se për shkak të shqetësimeve të ngritura nga qytetarët dhe raportimeve të shumta…
Veprat penale u ulën në vitin 2024 por krejt e kundërta ka ndodhur me autorët e dyshuar që u rritën…
Të mërkurën, rajoni më i gjerë i Jeruzalemit u vu në gjendje alarmi për shkak të zjarreve të mëdha që…
Pas një fluturimi simbolik në hapësirë me Blue Origin, këngëtarja e njohur Katy Perry është përballur me një valë kritikash…
Duket se Heidi Baci dhe Romeo Veshaj nuk po i ndahen njëri-tjetrit shpirtërisht, përkundër se kanë kaluar një vit që…