Sulmi me kallashnikov në Tushemisht, arrestohen dy persona në Tiranë

Dy të dyshuar si të përfshirë në ngjarjen në Tushemisht të Pogradecit janë arrestuar nga policia në Tiranë. Ende nuk dihet identiteti i tyre.

Këto arrestime e çojnë në 7 numrin e personave të arrestuar. Ngjarja e rëndë ndodhi në hotelin Voloreka më 8 gusht, i cili u sulmua me breshëri kallashnikovi.

Mësohet se të arrestuarit janë Meardi Berberi dhe Anterio Kaloshi, ndërsa me ta, shkon në 7 numri i personave të ndaluar për këtë ngjarje.

Pronari i hotelit, Jetmir Muçollari ka deklaruar se brenda 7 ditësh i janë bërë dy atentate në biznesin e tij, ndërsa ka përmendur edhe emra të disa personave për të cilët ai ishte i bindur që janë të përfshirë në ngjarjet.

Të arrestuar deri tani ishin Ilir Berberi, Ilir Meçolli, 29 vjeç, Ardian Xhuti, 29 vjeç, banues në Zvezdë, Maliq, Elvir Haxhia, 32 vjeç, banues në Pojan, Maliq, Mariglen Topuzi u arrestua menjëherë pas ngjarjes.

Ilir Berberi, i cili është një person me rrezikshmëri të lartë, pasi dyshohet dhe për ngjarje të tjera kriminale që kanë ndodhur në Pogradec, mendohet sipas policisë që të jetë dhe organizatori i kërij sulmi me armë, ndaj hotelit që është në pronësi të shtetasit Jetmir Muçllari.

Më heret Berberi ka qënë i dënuar për vjedhje, gjobëvënie dhe armembajtje oa leje. I hetuar edhe për disa ngjarje të rënda kriminale si për vrasjen e shefit të komisariatit të Ppgradecit Agron Gjyrezit.