Categories: Uncategorized

SPAK arreston gjyqtaren Margjeka bashkë me një avokat dhe dy qytetarë

Hetimet e prokurorisë së posaçme antikorrupsion, SPAK, kanë vënë në pranga gjyqtaren e Durrësit, Mimoza Margjeka.

Arrestimi u bë nën akuzën e korrupsionit, ku dyshohet se ka marrë 6 mijë euro, ndërkohë që krahas saj janë vënë në pranga edhe tre persona të tjerë, mes tyre avokati Skënder Demiraj.

Të lidhura

None found

Shuma e parave i është dhënë gjyqtares me qëllim ndryshimin e masës së sigurimit, nga “arrest në burg” në “garanci pasurore”, ndaj një personi të arrestuar për veprën penale “Ndihmë për kalim të paligjshëm të kufijve”.

Prokuroria e Posaçme Kundër Korrupsionit dhe Krimit të Organizuar Tiranë ka regjistruar procedimin penal Nr.186/2020. Në kuadër të hetimeve të kryera për këtë procedim penal, në bashkëpunim me Drejtorinë e Përgjithshme të Policisë së Shtetit, (Drejtorinë Hetimore Qendrore), nëpërmjet përdorimit të metodave proaktive dhe të posaçme të hetimit, është bërë i mundur evidentimi dhe dokumentimi i një akiviteti korruptiv në sistemin e drejtësisë.

Konkretisht ka rezultuar se shtetasit Nejton Bali, Klaudjo Zhilla dhe Skënder Demiraj (me profesion avokat), në bashkëpunim me njëri tjetrin, kanë konsumuar veprën penale “Korrupsioni aktiv i gjyqtarit, prokurorit dhe i funksionarëve të tjerë të drejtësisë”, parashikuar nga neni 319 e 25 i Kodit Penal, duke i dhënë shtetases Mimoza Margjeka, me detyrë gjyqtare, aktualisht e komanduar në Gjykatën e Apelit Korçë, nëpërmjet bashkëshortit të saj, shtetasit Arben Cara, një shumë prej 6.000 eurosh, si përfitim të paligjshëm.

Kjo shumë parash, është dhënë me qëllim ndryshimin e masës së sigurimit, nga “arrest në burg” në “garanci pasurore”, ndaj shtetasit Orion Bali, i arrestuar nga Prokuroria pranë Gjykatës së Shkallës së Parë Pogradec, për veprën penale “Ndihmë për kalim të paligjshëm të kufijve”, parashikuar nga neni 298/3 i Kodit Penal. Në shkëmbim të përfitimit të paligjshëm ka rezultuar se Gjykata e Apelit Korçë ka ndryshuar masën e sigurimit nga “arrest në burg” në “garanci pasurore”, për këtë shtetas.

Mbështetur në provat e administruara dhe pas kërkesës së prokurorit të Prokurorisë së Posaçme, Gjykata e Posaçme e Shkallës së Parë, për Korrupsionin dhe Krimin e Organizuar Tiranë, me vendimin nr. 92 datë 05.09.2020 ka caktuar :

Masën e sigurimit “arrest në burg”, parashikuar nga neni 238 i Kodit të Procedurës Penale, ndaj shtetasve Nejton Bali dhe Klaudjo Zhilla, të dyshuar për kryerjen e veprës penale “Korrupsioni aktiv i gjyqtarit, prokurorit dhe i funksionarëve të tjerë të drejtësisë”, në bashkëpunim, parashikuar nga neni 319 e 25 i Kodit Penal.

Masën e sigurimit “arrest në burg”, parashikuar nga neni 238 i Kodit të Procedurës Penale, ndaj shtetasit Arben Cara, i dyshuar për kryerjen e veprës penale “Korrupsioni pasiv i gjyqtarit, prokurorit dhe i funksionarëve të tjerë të organeve të drejtësisë”, në bashkëpunim, parashikuar nga neni 319/ç e 25 i Kodit Penal.

Masën e sigurimit “arrest në shtëpi”, parashikuar nga neni 237 i Kodit të Procedurës Penale, ndaj shtetasit Skënder Demiraj, i dyshuar për kryerjen e veprës penale “Korrupsioni aktiv i gjyqtarit, prokurorit dhe i funksionarëve të tjerë të drejtësisë”, në bashkëpunim, parashikuar nga neni 319 e 25 i Kodit Penal.

Masën e sigurimit “arrest në shtëpi”, parashikuar nga neni 237 i Kodit Procedurës Penale, ndaj shtetases Mimoza Margjeka, e dyshuar për kryerjen e veprës penale “Korrupsioni pasiv i gjyqtarëve, prokurorëve dhe funksionarëve të tjerë të organeve të drejtësisë”, në bashkëpunim, parashikuar nga neni 319/ç e 25 i Kodit Penal.

Sot, në datë 09.09.2020, Policia e Shtetit ka ekzekutuar vendimin e gjykatës që cakton masat e sigurimit personal, duke arrestuar shtetasit e mësipërm” deklaron SPAK.

të fundit

Gareth Bale në një rol të ri, synon të ndihmojë në ringritjen e Sevillas përmes një projekti investues

Gareth Bale mund të rikthehet në futboll, por këtë herë jo si lojtar. Ish-ylli uellsian raportohet se është pjesë e…

2 minutes ago

Vance: Amerikanët nuk duhet të presin krizë të afërt, nuk ka arsye për strehimore apo rezerva ushqimore

Zëvendëspresidenti amerikan, JD Vance, ka reaguar ndaj spekulimeve për një krizë të mundshme në Shtetet e Bashkuara, duke përjashtuar mundësinë…

19 minutes ago

Përplasen dy trena në Pragë, dhjetëra persona mbeten të plagosur

Një aksident hekurudhor është regjistruar mëngjesin e sotëm në Pragë të Çekisë, ku dy trena janë përplasur me njëri-tjetrin, duke…

19 minutes ago

SHBA forcon masat e sigurisë pas sinjaleve për plane iraniane me armë radioaktive dhe kimike

Shërbimet amerikane të inteligjencës kanë zbuluar informacione të reja që sugjerojnë se Irani po shqyrton mundësinë e organizimit të sulmeve…

19 minutes ago

Ambasada amerikane në Kosovë paralajmëron qytetarët për rrezik të mundshëm gjatë sezonit festiv

Ambasada e Shteteve të Bashkuara të Amerikës në Prishtinë ka lëshuar një alarm sigurie për qytetarët amerikanë që ndodhen në…

20 minutes ago

Organizatat shqiptaro-amerikane i drejtohen Ramës me 10 kërkesa: T’u jepet fund arrestimeve arbitrare! Ndalni përdorimin e forcës nga policia, jepni dorëheqjen

Organizatat shqiptaro-amerikane, i kanë drejtuar një letër të hapur kryeministrit Edi Rama, ku rendisin 10 kërkesat e tyre. Në letër…

21 minutes ago