Shqiptarët të frikësuar nga koronavirusi, Rama e Basha nuk i ndajnë akuzat ndaj njëri-tjetrit

Dhe në këto ditë të vështira, Rama dhe Basha vazhdojnë akuzat dhe kundër akuzat mes tyre duke e kthyer si cdo ngjarje në Shqipëri, politike.

Kreu i Partisë Demokratike, Lulzim Basha ka reaguar sërish ndaj komentit të bërë së fundmi nga kryeministri edi Rama ndërsa gjatë gjithë pasditës kanë replikuar me njëri-tjetrin për çështjen e maskave të skaduara që u denoncuan se janë shpërndarë në spitale.

Sipas Bashës, Rama ka një ministre Shëndetësie rrumpallë, përgatitja e qeverisë për koronavirusin sipas tij është rrumpallë dhe qeveria është rrumpallë.

Reagimi i plotë:

Të mbrosh mjekët dhe infermierët. Lëri batutat bajate, shtroju punës për të mbrojtur shëndetin e njerëzve! Ke zgjedhur ditën e gabuar të sulmosh opozitën.

Bëhu burrë dhe prano përgjegjësitë e tua! Gjendja është shumë serioze! Boll u solle si klloun, nuk është koha për të qeshur me ty.

Kur gishti tregon hënën, i marri tregon gishtin. @ediramaal ministria jote e Shëndetësisë është rrumpallë, përgatitja e qeverisë tënde për koronavirusin rrumpallë, qeveria jote rrumpallë. Mblidh veten.

Boll duke u ankuar dhe duke fajësuar të tjerët për dështimet e tua. MERR MASA. /albeu.com/