Autoritetet iraniane kanë raportuar edhe për dy viktima të reja nga koronavirusi, që çon shifrën e viktimave në 8, më e larta nga të gjitha vendet e prekura jashtë Kinës.
Zëdhënësi i Ministrisë së Shëndetësisë, Kianush Jahanpur, tha se 15 raste të reja me virus janë konfirmuar, duke çuar numrin në 43.
Jahanpur nuk dha detaje të tjera për viktimat, por më herët, mediat iraniane kishin cituar drejtuesin e Universitetit Shkencor duke thënë që një person që ka udhëtuar nga Teherani në Tonekabon ka ndërruar jetë si pasojë e virusit.
Irani ka raportuar më së shumti raste të viktimave nga të gjitha vendet e prekura jashtë Kinës. Rreth 785 raste janë raportuar të prekura me virus dhe pritet që ky numër të rritet.
Më herët gjatë javës, Iraku, Kuvajti dhe Arabia Saudite kanë pezulluar shumë fluturime drejtë Iranit. Në Kinë, ku është edhe epiqendra e virusit, më shumë se 2,300 persona kanë humbur jetën.
Një shifër tjetër alarmuese është duke u rritur edhe në Korenë Jugore. Presidenti i vendit ka shpallur gjendje të jashtëzakonshme të dielën pasi numri i të prekurve me virus ka shkuar në 556.
Policia e Shkodrës, ka marrë në pyetje rreth 20 persona në lidhje me masakrën e regjistruar mëngjesin e 8 shtatorit…
Këtë të premte 12 Shtator 2025, gjatë takimit me kryeministrin Edi Rama, Presidenti i vendit Bajram Begaj, ka dekretuan qeverinë…
Elseid Hysaj, ishte pjesë e historisë në Europianin e 2016, teksa luajti edhe në ndeshjen e famshme të Beogradit kur…
Kryeministri i vendit Edi Rama, ka mbërritur në ambientet e Presidencës, ku pritet t’i dorëzojë Presidentit Bajram Begaj emrat e…
Nga Skyweb.al Diella, ministrja më e veçantë e qeverisë Rama, është bërë lajm ndërkombëtar sot. Rama di se si ta…
Fundi i vitit, sjell trazira të forta të brendshme për Binjakët dhe Peshqit, dhe Saturni dhe Urani retrogradë e thellojnë…