Rama zyrtarizon fashën e re orare të lëvizjes për qytetarët: 8 orë janë të mjaftueshme!

Kryeministri Edi Rama deklaroi se do të vijohet me fashën e fundit të orarit që u vendos nga qeveria, për qytetarët.

Ai tha se fasha e orarit që do të vijojë të jetë në fuqi është ora 05:00 e mëngjesit me orën 13:00 të pasdites.

Ai theksoi se 8 orë janë të mjaftueshme për të gjithë qytetarët shqiptarë të vijojnë aktivitetet e tyre, duke u furnizuar me ushqime, apo dhe duke kryer punë me rëndësi.

Pas orës 13:00 gjithçka do të jetë mbyllur, përfshirë banka, markete, furra buke dhe farmaci, ndërsa do të jetë e ndaluar edhe lëvizja e njerëzve në këmbë.

“Vumë dy fasha orarit. Dhe tani kemi arritur në këtë fashë orari. 8 orë për të blere qepë, domate, ilaçe. Apo kush ka nevojë për të bërë kontakte me bankën.

Janë shumë. Shumë kush nuk do ta kuptojë se është koha për tu zgjuar dhe në 5 ose në 6, dhe jo të shkojnë në orën 12 atje ku duhet të marrin shërbimin përkatës”- deklaroi Rama.