Rama i përmend Metës pazaret politike: Ka të gjitha arsyet pse jeton si “o sot o kurrë”

Kryeministri Edi Rama ka mbajtur fjalën e tij ditën e sotme në Kuvend.

Ndër të tjera ai ka përmendur edhe Presidentin Meta teksa i ka përmendur pazaret politike.

“Ilir Meta ka të gjitha arsyet që sot të jetojë në një moment si “o sot o kurrë”. Se sot vija ndarëse mes të shkaurës e të ardhmes po bëhet gjithmonë e më e pafshishme me pazaret politike kur vjen puna te drejtësia. ”

Fjala e Plotë

Italia e zbythi mafien ekzaktësisht në të njëjtën mënyrë, këtu në 2020 cohen autoritetet publike e shtetërore si ai që rri në majë të piramidës e kërkon revolucione e ta konsiderojnë mëkat të qeverisë, një mëkat aq të madh sa jepet si prova kuptimplotë e përfundimtare e nevojës për ta shporrur këtë qeveri.

Po ashtu është në fakt, se të gjithë këta, unë s’mund të them se zotrote që fole përpara je i motivuar për të njëjtat arsye, jo se s’të njoh nga vjen por s’të kam parë asnjëherë të shfaqur në ndonjë lidhje direkte apo indirekte me këto subjekte, por shumë të tjerë kanë shumë arsye ta shohin këtë si o sot o kurrë.

Ilir Meta ka të gjitha arsyet që sot të jetojë në një moment si “o sot o kurrë”.

Se sot vija ndarëse mes të shkuarës e të ardhmes po bëhet gjithmonë e më e pafshishme me pazaret politike kur vjen puna te drejtësia.

Se sot gjykatës e prokurorë s’janë më garancia sic kanë qenë për 30 vjet, por janë gjithmonë e më shumë në hallin e tyre, sot është marrë një vendim ekstrem për ti dhënë një dënim përfundimtar krimit të organizuar.

Doni apo s’doni ju të gjithë sa jeni, krimin e organizuar do e fusim brenda perimetrit të vet.