PS propozim të ri për heqjen e pragut 3%, ndërpritet mbledhja e Komisionit të Ligjeve

Mbledhja e Komisionit të Ligjeve është ndërprerë pas kërkesës së opozitës, ndërsa PS u shpreh se ka pranuar kërkesën e opozitës parlamentare për heqjen e pragut 3%, si dhe për renditjen e kandidatëve fitues në lista.

Opozita e re kërkon ndërprerjen e mbledhjes me argumentin se ka një propozim të ri për hapjen e listave nga ana e mazhorancës. Një gjë e tillë është kërkuar nga deputetja Rudina Hajdari, Andi Përmeti dhe Alban Zeneli.

“Gjiknuri ka sjellë amendamente shtesë në minutat e fundit, jam dakord që ta ndërpresim këtë mbledhje, ta diskutojmë, ta shohim mirë se çfarë na ka sjellë, dhe të shohim nëse është në përputhje me ndryshimet kushtetuese”, tha Zeneli.