“Sistemi imunitar i i lindur dhe i fituar i femrave konsiderohet më i fortë se ai i meshkujve…”
Profesori Et’hem Ruka, sugjeron arsyen se pse koronavirusi vret më shumë meshkujt se sa femrat, siç ka rezultuar deri më tani nga të dhënat e raportuar.
I njohur si biolog, Ruka thotë se sistemi imunitar i lindur dhe i fituar i femrave konsiderohet më i fortë se ai i meshkujve.
Po ashtu deklaron se, meshkujt vdesin më shumë se preken më shumë nga hipertensioni dhe diabeti.
Shkrimi i plotë i profesor Et’hem Rukës:
Pse koronavirusi vret më shumë meshkujt se femrat?
Rreth 60% e të vdekurve në Itali nga koronavirusi janë meshkuj. Kjo shifër për Spanjën përllogaritet 59%, për Gjermaninë 58% dhe për New Yorkun 69%. Një prirje e tillë vihet re edhe në vende të tjera.
Shumë kërkues janë munduar të japin një shpjegim për këtë sjellje të diferencuar të gjinive njerëzore ndaj të njëjtit patogjen. Sipas disave, meshkujt vdesin më shumë se preken më shumë nga hipertensioni e diabeti.
Një shpjegim tjetër mbështetet në mënyrën e funksionimit të sistemit imunitar. Disa proteina të sistemit imunitar të angazhuara kundër viruseve sillen në mënyrë të ndryshme në dy gjinitë. Ky ndryshim i detyrohet hormoneve dhe gjeneve të veçanta.
Sistemi imunitar i i lindur dhe i fituar i femrave konsiderohet më i fortë se ai i meshkujve. Një nga këto ndryshime qëndron në praninë e një proteine të veçantë që quhet receptori i tipit Roll (Roll7).
Kjo proteinë njeh në mënyrë specifike një proteinë të virusit duke e konsideruar atë të huaj për organizmin, e në këtë mënyrë fillon procesi i asnjanësimit të patogjenit. Gjeni që bart informacionin për receptorin e tipit Roll ndodhet në kromozomet seksuale X. Meqenëse femra ka dy kromozome X (XX), ndërsa mashkulli vetëm një të tillë (XY), lë të dyshosh se femra bart dyfishin e informacionit për sintezën e receptorit të llojit Roll.
I gjithë ky informacion për receptorin Roll është vjele nga Revista Science Immunology 2018.
Sociologu i njohur Gëzim Tushi, ka folur lidhur me një fenomen shumë aktual në ditët e sotme, siç është ajo…
Ditën e sotme, Partia Demokratike, ka denoncuar korrupsionin dhe krijimin e monopoleve në administrimin dhe menaxhimin e pyjeve, kullotave dhe…
Mëngjesin e sotëm, një banesë dykatëshe është përfshirë nga flakët në fshatin Vithkuq të Korçës. Sipas të dhënave, mësohet se…
Pas sulmeve të forcës ajrore amerikane ndaj tre objektivave bërthamore të Iranit, Ambasada e SHBA në Tiranë, ka shpërndarë mesazhin…
Prej më shumë se 15 orësh, një zjarr i përmasave të mëdha ka përfshirë kodrat në lindje të qytetit të…
Në kuadër të operacionit policor të koduar “Koordinata”, që vijon me intensitet në gjithë territorin e qarkut Fier, Shërbimet e…