Categories: Uncategorized

Plas sherri mes mjekëve dhe ISHP-së, raportohet për vdekje të dyshimta (FOTO LAJM)

Në rrjetet sociale shpërthejnë debatet mes mjekëve dhe drejtuesve të ISHP për të vërtetën mbi kohën e hyrjes së koronavirusit në Shqipëri. Publikimi i imazheve të mushkërive të pacientëve të radiologut Renato Osmani nga mjeku Gëzim Xhepa, dëshmoi praninë e Covid19, që në muajin janar në Shqipëri.

Këto imazhe u pasuan nga grafikë të marrë po nga të dhënat zyrtare të ISHP, sipas të cilëve faktohet një numër i lartë të sëmuresh jo me simptoma të gripit sezonal.

Të lidhura

None found

Imazhet konsiderohen nga një grup mjekësh si fakt i pakontestueshme që Covid ka hyrë para se ISHP të deklaronte zyrtarisht rastin e parë më 9 mars , ndërkohë që bazuar në këto të dhëna, ISHP sipas vlerësimit të eksperteve duhet të kishte ndërmarrë masat për karantimin shumë më herët pasi të dhënat ishin dokumentuar në statistika.

Gjatë debatit më të fundit në rrjetet sociale është bërë pjesë dhe Silva Bino shefe e departamentit në epidemiologjisë në ISHP e cila ka ironizuar imazhet e radiologut Renato Osmani .

Silva Bino i qëndron argumentit se “në kurbën që ke nxjerrë është e qartë që ka qarkullim gripi. Gjithsecili të bëjë punën e vet, këshillon ajo kolegët, e thotë se mostrën e parë dhe transportin e pacientes e ka bërë vetë dhe i rezultoi me grip”.

Bino thotë se duhet parë sipas saj konteksti i kurbave dhe kolonave te gripit për 10 vite.

Silva Bino e ISHP replikon edhe me mjekun Erion Dasho, ekspert i shëndetit në Frankurt të Gjermanisë, të cilit i kujton ngjyrat e teserave partiake.

Në këtë moment debati mes ekspertëve të mjekësisë degjeneron në banalitet pasi çdo grafik dhe imazh është interpretuar në mënyrë subjektiv edhe politikisht pas frazave thumbuese thumbuese të Binos,e cila nuk dha një kundërargument për pikun e pretenduar të Covid që në janar.

Mjeku Erion Dasho i është kundërpërgjigjur Binos me një fraze që nuk lë hapësirë për koment. Duke iu referuar imazheve të mushkërive të publikuara nga radiologu, Dasho thotë se “Renato duhet kritikuar edhe se e ka vënë grafikun shtrembër si Kulla e Pizës”. “Kur quan akoma epidemiologji daljen me çantë në dorë si në shekullin e 19-të, ca gjëra edhe shpëtojnë” shkruan Dasho pasi Bino vë në dyshim aftësinë e tij profesionale në këtë fushë.

Lexoni pjesë nga përplasja mjekë –ISHP

Pjesë e këtij debati janë edhe mjekë të tjerë që punojnë jashtë vendit. Alketa Ibranji alergologe imunologe sqaron se i njëjti fenomen ka ndodhur dhe në Itali ku ajo ushtron profesionin e saj.

“ Po mire mo qe ju placin syte atyre te ISHP-se….per cfare i kane mbajtur keto statistika deri tani? Nuk i kane patur keto vlera me pare ne dispozicion, sepse nqs keto grafike jane te dhena zyrtare te nje institucioni shteteror atehere 2 jane arsyet pse nuk i kane nxjerre:
1- ose paaftesi qe e dyshoj absolutisht
2 – fshehje me apo pa dashje, perseri fshehje eshte” shkruan mjekja imunologe Ibranji.

Ndërkohë edhe qytetarë kanë dëshmuar fakte nga jeta e tyre dhe e familjarëve për simptoma sëmundjeje të cilat tani pasi u konfirmua Covid dhe shenjat e tij, të bëjnë të kuptosh se ka qënë vërtet koronavirus.

“Ne jemi dëshmitarë, qe shume paciente por dhe miqesi kane kaluar nje grip shumë të fortë në janar, madje patëm dhe disa vdekje të dyshimta ne ate kohe ne spital qe duke i vezhguar ne retrospektive, aspekt Covidi”, shkruan mjekja Elona Kodra.

Ndërkohë, Meri Lika snkruan: Në klasën e djalit tim në 20 shkurt nga 13 fëmijë 7 ishin në të njëjtën kohë me grip. Kishin temperaturë 39 – 39.5, kishin kollë dhe ethe, kjo gjendje zgjati plot një javë. Ndërkohë që pjesa tjetër e shokve të klasës kishin qenë një javë më parë në të njëjtën gjendje. Nga të gjithë fëmijët njëri kishte shumë kollë, siç më tregonte djali, atij i merrej fryma dhe kollitej pa pushim aq sa nuk fliste dot. Kolla i vazhdoi 3 javë.”

Keto dëshmi Silva Bino e ISHP i konsideron të pavlera përsa kohë sipas saj pacientët nuk mund të bëjnë ekspertin /abcnews.al

të fundit

Artan Hoxha: Electoral crime investigation is two years late; Sara’s departure will not cost Rama his mandate

I ftuar në studion e News24, gazetari Artan Hoxha komentoi hetimet e SPAK-ut për krimet zgjedhore dhe vëmendjen politike të…

2 hours ago

Trump meets Imelda Marcos in Manila and tells her “We love you,” after knowing her for more than 40 years

Presidenti amerikan Donald Trump ka zhvilluar një takim të veçantë në Manila me 97-vjeçaren Imelda Marcos, ish-zonjën e parë të…

2 hours ago

Scottish police call for restrictions on e-bike and e-scooter sales amid rising crime and accidents

Oficerët e lartë të Policisë në Skoci kanë kërkuar kufizimin ose ndalimin e shitjes së biçikletave dhe skuterëve elektrikë, pas…

2 hours ago

After nearly 40 years, parents convicted of torturing and killing their 4-year-old daughter in France

Një ngjarje tronditëse e ndodhur në Francë në vitin 1987 ka marrë një tjetër zhvillim pas afro katër dekadash. [...]…

2 hours ago

Released from prison and celebrating with his family, he is accused of stabbing a 42-year-old man to death in the US

Një festë familjare e organizuar për të festuar lirimin e tij nga burgu federal përfundoi në tragjedi në Karolinën e…

2 hours ago

NIH calls for an investigation into Fauci’s involvement in the study that rejected the COVID-19 lab-leak theory

Roli i ish-këshilltarit kryesor shëndetësor të Shtëpisë së Bardhë, Anthony Fauci, në një prej studimeve më të rëndësishme shkencore të…

2 hours ago