Përplasjet me Bashën, a do të donte Grida Duma të ishte në krye të PD-së?

Grida Duma ka qenë sot e ftuar në programin “Rudina” në Tv Klan, ku përvecc pyetjeve të moderatores i është përgjigjur dhe atyre të publikut.

Një nga pyetjet e drejtuara ishte pikërisht nëse do të donte të ishte kryetare e Partisë Demokratike.

Kësaj pyetje Duma i është përgjigjur e vendosur:

“Absolutisht jo, asnjëherë, as e kam pranuar, as e kam menduar si logjikë. Kam patur poste drejtuese. Nuk më ka shkuar në mendje asnjëherë”.

Ndërsa për përvojën në foltorën e parlamentit, Duma tha se uk i mungonte.

“Foltorja e Kuvendit në vetvete jo nuk më mungon. Media e ka zëvendësuar më mirë se sa aq, për hir të së vërtetës. Por një lloj rimendimi që mund të bëj shumë të tepër, në kuptimin po të kishte vërtet jetë parlamentare, padiskutim që e kam këtë domethënë.

Njerëzit që bëjnë karrierë politike, foltoren e Kuvendit e kanë pjesë të ëndrrës së tyre të karrierës, domethënë aty mund të shpalosësh çdo gjë. Por jo, nuk është ky konteksti në Parlamentin shqiptar dhe për aq pak kohë sa qëndrova, domethënë nuk pashë që ishte e mundur kjo. Sigurisht koha e ardhme do të sjellë padiskutim ne shpresojmë një realitet më të mirë politik. Por deri sot nuk shoh që kemi humbur ndonjë gjë në kuptimin e impaktit, se pastaj të gjitha gjërat e tjera janë relative”, tha Duma.