Për editorialet pro Lulzim Bashës dhe PD

Dr. Ndriçim Ciroka

Ka kohë që shoh opinione dhe gjoja analiza me lëpirje të pështirë ndaj kreut Lulzim Basha dhe Pd. Në fakt duhet të ishte e kundërta, sepse një fjalë e urtë thotë “Kush të do të kritikon”.

Eshtë koha e artë për opozitën për të ardhur në pushtet, në një formë të sukseshme dhe me rezultate të thella në zgjedhje, gjithmonë nëse merren masat e duhura.

Kreu i PD Lulzim Basha duhet të marrë disa masa urgjente tani sa nuk është vonë.

1- Figurat e djegura dhe të konsumuara të Partisë Demokratike t’i eklipsojë.
2 – Të pastrojë figurat me dosje të komunizmit të cilët prej 30 vitesh mbajnë peng Partine Demokratike
3- Hajdutët e 8 viteve në pushtetin e kaluar padiskutim duhet t’i pastrojë.
4- Duhet padiskutim një KOP i ri me figura të reja dhe të pakonsumuara.
5- Të shpërndajë pushtet në formë të strukturuar organizative, sepse imazhi i një menaxhimi organizativ profesional është kusht për besueshmëri publike.

Lulzim basha duhet të jetë i qartë që kohën për t’u kthjelluar për strukturën organizative të re dhe një staf dinamik, vital dhe të pa përlyer mund ta ndërtoje tani.

Për të evituar rrezikun e ardhjes në pushtet me rezultat të ngushte i cili do jetë gjithmonë i rrezikuar për të qëndruar në këmbe (larg qeverisjes me paterica). Për të eleminuar zërat që thonë se PD u be si PPSH, 40 vjet dhe 30 vjet me të njejtat figura në pushtet etj etj. Përndryshe pushteti nga ndarja e tortës do t’i krijojë firot e veta, e cila do rrezikojë nr. në parlament dhe në qeverisje.

– Editorialistë, lërini lëvdatat e pështira, por jepni sugjerimet dhe këshillat e duhura për një të ardhme të sukseshme.