Një nga më të rrezikshëm në Evropë, shqiptari arrestohet pas 17 vitesh në kërkim

Një shqiptar 45 vjeç, i kërkuar në Itali dhe i arratisur që nga viti 2003 u gjurmua në Zvicër dhe u ekstradua në shtetin italian.

Arrestimi u bë në Grenchen, në kantonin e Solothurn, më 1 gusht.

Shqiptari ishte në listën e njëqind personave më të rrezikshëm në kërkim në Evropë.

Zyra Federale e Policisë saktëson se 45 vjeçari u arrestua falë informacionit të dhënë nga homologët e tij italianë. Operacioni është pjesë e projektit Wanted III të Policisë së Shtetit Italian, me qëllim kërkimin e të arratisurve të rrezikshëm.

Ai mësohet se ka qenë përgjegjës për një seri krimesh në Itali që nga viti 1996, përfshirë dhunën seksuale, shfrytëzimin, ndihmën dhe forcimin e prostitucionit dhe imigrimin e paligjshëm.

Shqiptari, me 5 bashkëpunëtorë, kishte dërguar në Itali shumë vajza rumune dhe moldave dhe më pas i kishte bërë prostituta. Ka një akumulim dënimesh për mbi 15 vjet burgim dhe gjobë prej 68.900 euro.

Prokuroria Publike në Gjykatën e Modenës, e cila ka lëshuar urdhrin e arrestit, ka zbuluar se shqiptari kishte ndryshuar disa herë vend në Evropë, në mënyrë që të mos gjurmohet.