Categories: Uncategorized

Në front të parë për të mbrojtur jetën, mjekët shqiptarë me rrogat më të ulëta në Europë

Shqipëria ka një infrastrukturë të dobët mjekësore, sidomos në burimet njerëzore, me numrin më të ulët të mjekëve dhe infermierëve për banorë. Por edhe pse Shqipëria ka pa mjekë në raport me popullsinë në krahasim me rajonin ata përfitojnë pagat më të ulëta në Europë.

Instituti Ndërkombëtar për Studime Ekonomike në Vjenë përllogariti pagat e mjekëve, duke i krahasuar me mesataren e 15 vendeve të BE-së. Nga kjo përllogaritje, ekspertët e Vjenës gjetën se Shqipëria ofron nivelin më të ulët të pagave në raport me mesatare e BE-se, ndërsa Luksemburgu ofron pagat më të larta në raport me mesataren e BE-së.

Të lidhura

None found

Pagat e ulëta dhe ngarkesa e madhe në punë bëhet shkak për emigracionin e trupës mjekësore – pohuan ekspertët, të cilët ndërtuan edhe një hartë të gravitetit për emigracionin e trupës mjekësore.

Historia e ndryshimit të pagave të mjekëve tregon një lidhje të ngushtë me emigrimin.

Pagat për mjekët në Britani u përkeqësuan gjatë dekadës së kaluar dhe tani janë nën nivelin e BE-së. Ky ishte faktori kryesor që gati 4% e mjekëve të largohen nga Britania e Madhe dhe të shkojnë në Zelandën e Re, SHBA dhe Kanada.

Nga ana tjetër, Britania është bërë tërheqëse për mjekët nga jugu i Europës, si Italia, Greqia dhe Ballkani ku pagat e mjekëve janë më të ulëta se në Britani.

Norvegjia dhe Zvicra arrijnë të thithin stafet mjekësore nga vendet e BE-së pasi ofrojnë pagat më të larta. Ky faktor mund të jetë një nga përcaktuesit kryesorë pse këto dy vende “importojnë” mjekë të huaj të trajnuar.

Veçanërisht Zvicra, e cila ofron paga shumë më të larta se vendet e BE-së, gati dy herë më e lartë se mesatarja e BE-se, duke u shndërruar në magnet për mjekët dhe infermierët nga Gjermania, por gjithashtu nga Italia, Franca dhe Austria, ndërsa Norvegjia ka qenë tërheqëse për profesionistët e shëndetësisë veçanërisht nga Suedia, Danimarka dhe Spanja, por edhe nga Polonia, Lituania dhe Hungaria.

Ndërsa vetë Gjermania është kthyer në importuese të mjekëve nga vendet e Ballkanit, sidomos nga Shqipëria.

Austria ka një nga rezervat më të larta të stafit mjekësor, në drejtim të numrit të mjekëve për banorë. Por numri i mjekëve të diplomuar në Austri po vjen në rënie, teksa lëvizjet e mjekëve janë të mëdha. Në krahun tjetër, vendet e Ballkanit Perëndimor kanë numrin më të ulët të mjekëve për banorë dhe numri i të diplomuarve është nga më të ulëtit.

Pagat e sistemit shëndetësor në rajon

Shqipëria renditet ndër shtetet me më pak mjekë (1.2 mjekë për 1000 banorë), numër që po reduktohet për shkak të eksodit masiv të bluzave të bardha. Vendi ynë, jo vetëm që ka më pak mjekë, por ata janë dhe më të keqpaguarit.

Paga mesatare në aktivitetin e “Shëndetësia dhe veprimtari të tjera sociale” në Shqipëri është 435 euro, është afërsisht sa gjysma e mesatares rajonale. Mjekët paguhen më shumë në Bosnjë (901 euro) dhe Mal të Zi (833 euro), ndërsa në Serbi e Maqedoni me mbi 700 euro.

Vitin e kaluar, edhe Kosova i rriti ndjeshëm pagat e mjekëve dhe infermierëve, me synim ndalimin e eksodit të bluzave të bardha. Mjekët specialistë paguhen 1195 euro (nga 661 euro më parë); mjeku i përgjithshëm 836 euro (nga 566), kryeinfermierët 621 euro (nga 472) dhe infermierët e parë 537 euro (nga 425 më parë)./Monitor

të fundit

Dimitrieska-Koçoska: The 2027 budget provides for higher wages and pensions, with no changes to taxes

Ana e të ardhurave të Buxhetit të vitit 2027 është projektuar me kujdes për shkak të pasigurisë globale, por edhe…

29 seconds ago

Protest outside the Prime Minister’s Office in Tirana, clashes between citizens and police

Ka nisur protesta edhe gjatë ditës së sotme. Qytetarët janë mbledhur para Kryeministrisë. Qytetarët kanë dalë në protestë, edhe pse…

44 seconds ago

Balliu compares 150 million in VAT with 490 million for incinerators and accuses Rama of abusing public funds

Deputeti i Partisë Demokratike, Klevis Balliu, ka reaguar pas deklaratave të kryeministrit Edi Rama në Asamblenë e PS-së, duke e…

59 seconds ago

Çitaku calls for international partners to be involved in amending the law on the Specialist Chambers after revote

Ushtruesja e detyrës së kryetares së Partisë Demokratike të Kosovës (PDK) në opozitë, Vlora Çitaku, thotë që pret që gjatë…

1 minute ago

OVL-UÇK: The Hague process has undermined our trust in the justice of the Specialist Chambers

Organizata e Veteranëve të Luftës së UÇK-së (OVL-UÇK) ka reaguar ndaj procesit gjyqësor në Dhomat e Specializuara në Hagë kundër…

2 minutes ago

Kosovo Customs collects €1.7 billion in ten months, up 5.7 percent

Dogana e Kosovës ka realizuar mbi 1 miliard e 708 milionë euro të hyra gjatë periudhës janar-tetor 2026, duke shënuar…

2 minutes ago