Mjeku nxjerr të palarat: Në Shqipëri nuk u bëhet tampon të infektuarëve asimptomatikë!

“Ku ka më mirë se kaq. Ne jo vetëm nuk e kemi bërë këtë, por nuk iu kemi bërë tampon edhe njerëzve që kanë qenë simptomatikë…”

Mjeku i njohur urolog, Artan Koni bëri një deklaratë të fortë lidhur me koronavirusin.

Ai theksoi se në vendin tonë tamponët bëhen vetëm kur pacienti është shumë rëndë dhe në këtë rast, sipas tij, është e kotë të harxhohet tamponi, pasi dihet që personi do të përfundojë në spital.

Koni deklaroi se ka pasur raste që në Shqipëri nuk iu është bërë tamponi personave simptomatikë.

“Komiteti Teknik doli me një vendim se duhet bërë tampon, nëse plotëson disa kritere. Por, nëse unë plotësoj ato kritere, do të thotë që do të përfundoj në spital. Atëherë mos ma bëj fare tamponin, se ky nuk quhet gjurmim, por kurim.

Gjermania ndalonte njerëzit në rrugë, iu bënte testin dhe iu thoshte se nëse do të dilnin pozitivë, do t’i merrnin në telefon. Kështu kanë bërë dhe vendet e tjera.

Ku ka më mirë se kaq. Ne jo vetëm nuk e kemi bërë këtë, por nuk iu kemi bërë tampon edhe njerëzve që kanë qenë simptomatikë.

Ne iu jemi përgjigjur vetëm rasteve kur rasti ka qenë shumë rëndë.

Po kur është shumë rëndë pse duhet ta harxhojmë tamponin, dihet që ka Covid, duhet ta marrim ta çojmë në spital”, u shpreh ai në emisionin “Kjo Javë” në “News24”.