Një grup ligjvënësish të Bashkimit Evropian po akuzojnë Moskën se po shfrytëzon pandeminë e koronavirusit në përpjekje për të hequr sanksionet e vendosura mbi veprimet e Rusisë në Ukrainë, thuhet në një letër të parë nga shërbimi qendror i RFE-së.
Në letrën e dërguar më 3 prill, thuhet se ndihma ruse ndaj vendeve evropiane për të luftuar krizën shëndetësore është pjesë e “një fushate” për të shtyrë BE-në të tërheqë sanksionet ndaj Rusisë.
Letra u nënshkrua nga 19 anëtarë të BE-së dhe iu adresua presidentes së Komisionit Evropian, Ursula von der Leyen, presidentit të Këshillit Evropian, Charles Michel dhe shefit të Politikës së Jashtme, Josep Borell.
Ligjvënësit thonë se janë duke shqyrtuar çdo mundësi për të mos lejuar tërheqjen e sanksioneve ndaj Rusisë.
“Autoritetet ruse me anë të një fushate duke dërguar ndihma humanitare në Itali si dhe duke keqinterpretuar deklaratat e zyrtarëve të Kombeve të Bashkuara, janë duke tentuar të ndryshojnë qëndrimin e BE-së dhe vendeve anëtare lidhur me sanksionet”, thuhet në letër.
Sipas burimeve, kjo letër i referohet kërkesës së presidentit rus Vladimir Putin lidhur me ngrirjen e sanksioneve ekonomike që tu mundësohet shteteve luftimi i COVID-19.
Por, ligjvënësit kanë insistuar se nuk është fare e lehtë t’i besohet Rusisë, duke u ndërlidhur me fshehjen e statistikave për shpërndarjen e koronavirusit në vend dhe veprimet agresive ndaj shteteve fqinje.
Rusia ka raportuar për rreth 3 mijë raste të të infektuarve me koronavirus. REL
Dashi Nuk do të jeni shumë të kujdesshëm dhe do e keni kokën mes reve, gjë që do ju rrezikojë…
Kodrat e Cakranit janë përfshirë nga flakët mbrëmjen e kësaj të shtune. Fatmirësisht nuk ka banesa përreth dhe nuk rrezikohen…
Ushtria izraelite ka nisur një seri sulmesh ajrore në qytetin port jugor të Iranit, Bandar Abbas, duke synuar depo armësh…
Blogerja e njohur Armina Mevlani ka reaguar pas spekulimeve në rrjete sociale për një shtatzëni të mundshme. Pas dyshimeve të…
Rinumërimi i kutive të votimit në qarkun e Tiranës nuk po shkon ashtu siç kanë pretenduar kryesisht kandidatët e partive…
Djegia e një transformatori në nënstacionin elektrik të Fushë-Kuqes ka lënë qindra banorë pa energji elektrike. Konkretisht banorët në Njësitë…